نئی دہلی: بھارت میں ایک کلو چائے کی پتی ایک لاکھ روپے کی ریکارڈ قیمت میں فروخت ہوئی۔
بھارتی میڈیا کی رپورٹ کے مطابق ریاست آسام میں چائے بنانے ولی کمپنی کی ’گولڈ ٹی‘ کے نام سے مشہور چائے کی پتی کا ایک کلو گرام پیکٹ نیلام میں ریکارڈ ایک لاکھ روپے کی قیمت پر فروخت ہوا۔
چائے کی پتی تیار کرنے والی کمپنی کے مطابق گولڈ ٹی چائے کی نہایت نایاب، قیمتی قسم کی پتیوں اور کلی سے تیار کی جاتی ہے۔
کمپنی کا کہنا ہے کہ ہر سال کمپنی 10 کلو گرام گولڈ ٹی تیار کرتی ہے لیکن رواں سال صرف 2 کلو گرام پتی تیار کی گئی۔
بھارتی میڈیا کے مطابق آسام کی آب وہوا چائے کی کاشت کے لئے نہایت موزوں ہے اوروہاں چائے کی پتی کی کئی مہنگی اقسام کاشت کی جاتی ہیں۔ آسام میں اب پرپل اوریلو چائے بھی اگائی جارہی ہے۔
کمپنی کے سی ای او کا کہنا ہے کہ اس چائے کی بہت مانگ تھی، میرے چند دوستوں نے اسے پہلے ہی خرید لیا۔
ان کا کہنا تھا کہ کرسمس اور نیا سال قریب ہے اسے تحفے کے مقاصد کے لیے استعمال کیا جاتا ہے، یہ نایاب چائے کی پتی عام طور پر دستیاب نہیں ہوتی ہیں۔
