The news is by your side.

Advertisement

کرونا سے نمٹنے کے لیے 8 ارب روپے مختص کیے ہیں، لیاقت شاہوانی

کوئٹہ: بلوچستان حکومت کے ترجمان لیاقت شاہوانی نے کہا ہے کہ کرونا وائرس سے نمٹنے کے لیے 8 ارب روپے مختص کیے ہیں۔

تفصیلات کے مطابق ترجمان بلوچستان حکومت لیاقت شاہوانی نے پریس کانفرنس کے دوران کہا کہ معلوم نہیں کتنا عرصہ ہمیں کرونا کے ساتھ رہنا پڑے گا۔انہوں نے بتایا کہ کرونا سے نمٹنے کے لیے 8 ارب روپے مختص کیے ہیں۔

لیاقت شاہوانی کا کہنا تھا کہ صوبے میں 43104 ٹیسٹ کیے گئے جن میں سے9475 افراد میں کرونا وائرس کی تصدیق ہوئی، جبکہ مہلک وبا سے صحت یابی کی شرح بڑھ کر 38.5 فیصد ہے۔

انہوں نے کہا کہ صحت اور تعلیم کے شعبوں کو بجٹ میں ترجیح دی گئی ہے،عوام کو کسی مصیبت میں تنہا نہیں چھوڑیں گے۔ترجمان بلوچستان حکومت کا کہنا تھا کہ احتیاطی تدابیر آسان ہے ماسک کا استعمال، فاصلہ اور ہاتھ دھونا ہے۔

ملک میں کرونا کے 11 لاکھ ٹیسٹ، 1 لاکھ 81 ہزار مثبت، 3590 افراد جاں بحق

واضح رہے کہ گزشتہ چوبیس گھنٹوں کے دوران ملک میں 4,471 نئے کیسز سامنے آئے، نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 181,088 افراد متاثر ہو چکے ہیں، جبکہ اموات کی تعداد 3,590 ہو گئی ہے۔

ملک کے مختلف شہروں میں اس وقت کرونا کے زیر علاج مریضوں کی تعداد 1 لاکھ 6 ہزار 40 ہے، جبکہ اب تک 71,458 مریض وائرس سے لاحق ہونے والی بیماری سے صحت یاب ہو چکے ہیں۔

Comments

یہ بھی پڑھیں