پی ٹی آئی کے ٹیکسلا میں ہونے والے جلسے کے دوران بد نظمی -
The news is by your side.

Advertisement

پی ٹی آئی کے ٹیکسلا میں ہونے والے جلسے کے دوران بد نظمی

ٹیکسلا : پاکستان تحریک انصاف کے آج ٹیکسلا میں ہونے والے جلسے کے دوران بد نظمی دیکھنے میں آئی ہے ۔

اے آر اوائی نیوز کے نمائندے بابر ملک کے مطابق پاکستان تحریک انصاف کی جانب سے ٹیکسلا میں منعقد ہونے والے جلسے کی تقریب سے قبل تلخ کلامی کے باعث دو گرپوں کے درمیان جھگڑا ہوگیا ، دونوں گروپوں کی جانب سے ڈنڈوں اور اشیاء کا آزادانہ استعمال کیا گیا ۔

پیش آنے والے واقع کے باعث پاکستان تحریک انصاف کے چار کارکن زخمی بھی ہوگئے تاہم انتظامیہ نے حالات کو قابو کرلیا ۔

جلسے خطاب چیئرمین پاکستان تحریک انصاف عمران خان نے کہا ہے کہ بھارت طاقت کے بل بوتے پر کشمیریوں کو غلام نہیں بناسکتا، پوری قوم جب آزادی کا فیصلہ کرلے تو انہیں کوئی غلام نہیں بنا سکتا۔

انہوں نے کہا کہ قابض بھارتی فوجیوں کے سامنے کشمیری باشندے سیسہ پلائی دیوار بنے ہوئے ہیں،اقوام متحدہ کی قراردادوں پر عمل درآمد نہیں کرایاجارہا،پوری قوم جب آزادی کا فیصلہ کرلے تو انہیں کوئی نہیں روک سکتا، طاقت کے بل بوتے پر کوئی بھی کسی قوم کو غلام نہیں بناسکتا، مقبوضہ کشمیر کے لوگ آج بھی آزادی کے طلب گار ہیں۔

Comments

comments

یہ بھی پڑھیں