site
stats
پاکستان

پنجاب اسمبلی: وزیر اعظم کے خلاف قرارداد کی اجازت نہ ملنے پر اپوزیشن سیخ پا

لاہور: پنجاب اسمبلی میں وزیر اعظم نواز شریف کے خلاف قرار داد پیش کرنے کی اجازت نہ ملنے پر اجلاس اپوزیشن کی ہنگامہ آرائی کی نظر ہوگیا۔

تفصیلات کے مطابق پنجاب اسمبلی کے اجلاس میں اپوزیشن نے وزیر اعظم نواز شریف کے خلاف قرار داد پیش کرنی چاہی تو انہیں روک دیا گیا جس کے بعد اپوزیشن نے ہنگامہ آرائی شروع کردی۔

اپوزیشن ارکان نے ایجنڈے کی کاپیاں پھاڑ ڈالیں۔ ایوان گو نواز گو اور رو عمران رو کے نعروں سے گونجتا رہا۔

مزید پڑھیں: پاناما لیکس کی تحقیقات کے لیے جے آئی ٹی بنانے کا حکم

اجلاس کے بعد میڈیا سے گفتگو کرتے ہوئے صوبائی وزیر قانون رانا ثنا اللہ خان نے کہا کہ تحریک انصاف سوشل میڈیا پر اعلیٰ عدلیہ کے خلاف اختلافی نوٹ کو بنیاد بنا کر پروپیگنڈہ کر رہی ہے جس کا مقصد پانامہ کے لیے بننے والی جے آئی ٹی پر دباؤ ڈالنا ہے۔

دوسری جانب اپوزیشن رکن خرم جہانگیر وٹو نے کم عمری کی شادی کے خلاف ترمیمی بل ایوان میں جمع کروا دیا۔

کورم کی بار بار نشاندہی کے بعد اسپیکر نے اجلاس بدھ کی صبح 10 بجے تک کے لیے ملتوی کر دیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top