The news is by your side.

Advertisement

ماہ رجب المرجب کا چاند دیکھنے کے لیے رویت ہلال کمیٹی کا اجلاس آج ہوگا

کراچی : ماہ رجب المرجب کا چاند دیکھنے کے لیے رویت ہلال کمیٹی کا اجلاس آج ہوگا۔

تفصیلات کے مطابق ماہ رجب المرجب کے چاند دیکھنے کے لیے رویت ہلال کمیٹی کا اجلاس چیئرمین مفتی منیب الرحمان کی سربراہی میں کراچی میں منعقد ہوگا۔

لاہور، اسلام آباد، پشاور اور کوئٹہ میں رویت ہلال کی ذیلی کیمیٹاں بھی چاند دیکھنے کے لیے اپنا اپنا اجلاس منعقد کریں گی۔

چاند نظر آنے کی صورت میں ماہ رجب کی پہلی تاریخ آٹھ مارچ بروز جمعہ ہوگی جبکہ دواپریل بروز منگل کو شب معراج ہوگی۔

حرمت والا مہینہ، جنگ و قتال منع:
لفظ رجب، ترجیب سے نکلا ہے جس کے معنی تعظیم کے ہیں، رجب المرجب ہجری کلینڈر کا ساتواں مہینا ہے، یہ حرمت والے چار ماہ میں شامل ہے، دین اسلام میں اس ماہ میں بھی جنگ اور قتل کرنا ممنوع ہے،اس ماہ میں توبہ جلد قبول ہوتی ہے اس ماہ کا ایک نام الاصب بھی ہے جس کے معنی ہیں تیز بہاؤ، یعنی توبہ جلد قبول ہوتی ہے۔

ارشاد باری تعالیٰ:
اِنَّ عِدَّةَ الشُّهُوْرِ عِنْدَ اللّـٰهِ اثْنَا عَشَرَ شَهْرًا فِىْ كِتَابِ اللّـٰهِ يَوْمَ خَلَقَ السَّمَاوَاتِ وَالْاَرْضَ مِنْـهَآ اَرْبَعَةٌ حُرُمٌ ۚ ذٰلِكَ الـدِّيْنُ الْقَيِّـمُ ۚ فَلَا تَظْلِمُوْا فِيْـهِنَّ اَنْفُسَكُمْ ۚ وَقَاتِلُوا الْمُشْرِكِيْنَ كَآفَّةً كَمَا يُقَاتِلُوْنَكُمْ كَآفَّةً ۚ وَاعْلَمُوٓا اَنَّ اللّـٰهَ مَعَ الْمُتَّقِيْنَ (36)

ترجمہ: مہینوں کی گنتی اللہ کے نزدیک کتاب اللہ میں 12 ہے‘ اسی دن سے جب سے آسمان و زمین کو اس نے پیدا کیا ان میں سے چار حرمت والے ہیں۔ یہی درست دین ہے‘ تم ان مہینوں میں اپنی جانوں پر ظلم نہ کرو اور تم تمام مشرکوں سے جہاد کرو جیسا کہ وہ تم سب سے لڑتے ہیں اور جان رکھو کہ اللہ تعالیٰ متقیوں کے ساتھ ہے۔

بے شک اللہ کے ہاں مہینوں کی گنتی بارہ ہے اللہ کی کتاب میں جس دن سے اللہ نے زمین اور آسمان پیدا کیے، ان میں سے چار عزت والے ہیں، یہی سیدھا دین ہے، سو ان میں اپنے اوپر ظلم نہ کرو، اور تم سب مشرکوں سے لڑو جیسے وہ سب تم سے لڑتے ہیں، اور جان لو کہ اللہ پرہیزگاروں کے ساتھ ہے۔

حدیث شریف:
ایک مشہور حدیث شریف ہے کہ رجب اللہ کا، شعبان میرا اور رمضان میری امت کا مہینہ ہے۔

Comments

comments

یہ بھی پڑھیں