The news is by your side.

Advertisement

افواہیں دم توڑ گئیں، زلفی بخاری وطن واپس پہنچ گئے

اسلام آباد: وزیراعظم کے معاون خصوصی زلفی بخاری سے متعلق تمام افواہیں دم توڑ گئیں۔

اے آر وائی نیوز کی رپورٹ کے مطابق وزیراعظم کے معاون خصوصی برائے اوورسیز سے متعلق افواہیں دم توڑ گئیں، زلفی بخاری وطن واپس پہنچ گئے۔

زلفی نے وطن واپسی پر گفتگو کرتے ہوئے کہا کہ میری پاکستان واپسی کئی لوگوں کے لیے مایوس کن ہوگی، 10 روز اہل خانہ کے ساتھ گزار کر واپس اسلام آباد پہنچ چکا ہوں۔

معاون خصوصی کا کہنا تھا کہ جو کہتے تھے میں بھاگ گیا ہوں، کیا وہ اپنا جھوٹ تسلیم کریں گے، کچھ لوگ صحات جیسے معزز پیسے کو داغ دار کررہے ہیں۔

واضح رہے کہ گزشتہ روز وفاقی وزیر برائے آبی وسائل فیصل واوڈا نے اے آر وائی نیوز کے پروگرام ’آف دی ریکارڈ‘ میں بتایا تھا کہ زلفی بخاری سے متعلق باتیں کرنے والوں کو افسوس ہوگا کیونکہ وہ کل پاکستان پہنچ جائیں گے۔

خیال رہے کہ معاون خصوصی زلفی بخاری سے متعلق گزشتہ دنوں افواہیں زیر گردش کررہی تھیں کہ وہ ملک چھوڑ کر بھاگ گئے ہیں۔

Comments

یہ بھی پڑھیں