The news is by your side.

Advertisement

سعودی عرب میں افواہیں دم توڑ گئیں

ریاض: سعودی عرب میں تدفین کے لیے فیس مقرر کیے جانے سے متعلق افواہوں کی تردید آگئی۔

عرب میڈیا کی رپورٹ کے مطابق حکومتی ذرایع نے سعودی عرب میں تدفین کے لیے فیس مقرر کیے جانے کے حوالے سے افواہوں کو بے بنیاد قرار دے دیا ہے۔

ذرایع کا کہنا ہے کہ تدفین کے لیے فیس مقرر کرنے کا فیصلہ کیا گیا ہے اور نہ اس پر غور کیا جارہا ہے۔

اس ضمن میں ذرایع نے واضح کردیا کہ سوشل میڈیا پر پھیلی خبروں پر کان نہ دھریں، اس بارے میں نہ تو کوئی فیصلہ کیا گیا ہے اور نہ ہی اس قسم کا کوئی منصوبہ مرتب کیا ہے۔

خیال رہے کہ سعودی عرب میں سوشل میڈیا پر وزیر بلدیات کے حوالے سے افواہ پھیلی ہے کہ قبرستانوں کو نجی کمپنی کے تحت کیا جارہا ہے تاکہ بہتر خدمات فراہم کی جاسکیں اور پھر تدفین کے لیے بھی فیس مقرر کردی جائے گی۔

حکومتی ذرایع نے دوٹوک الفاظ میں کہا ہے کہ ان باتوں میں کوئی صداقت نہیں ہے۔

Comments

یہ بھی پڑھیں