رنز مشین اسٹیواسمتھ نے اپنا چوتھا ایلن بارڈر میڈل جیت لیا۔ سابق کپتان یہ کارنامہ انجام دینے والے رکی پونٹنگ اور مائیکل کلارک کے بعد تیسرے کھلاڑی بن گئے۔
اسمتھ نے 171 ووٹ حاصل کیے، جب کہ قریب ترین حریف ٹریوس ہیڈ نے 144 ووٹ حاصل کیے۔
سابق کپتان اسمتھ نے ووٹنگ کی مدت کے دوران 1,524 رنز بنائے جس میں چار سنچریاں شامل تھیں اور یہ ٹیسٹ رینکنگ میں آسٹریلیا کے پہلے نمبر پر آنے کے لیے انتہائی اہم ثابت ہوئے۔
Rare air for the great Steve Smith!
Allan Border Medal number four for an all-time legend of our sport #AusCricketAwards pic.twitter.com/JX4eRv69vg
— Cricket Australia (@CricketAus) January 30, 2023
اسمتھ آسٹریلیا کے اہم کھلاڑیوں میں سے ایک ہوں گے جو بھارت میں چار ٹیسٹ کھیلنے دورے پر جائیں گے جہاں انہیں امید ہے کہ وہ ورلڈ ٹیسٹ چیمپئن شپ کے فائنل میں اپنی جگہ محفوظ کر لیں گے۔
33 سالہ کھلاڑی 50 اوورز کی کرکٹ میں بھی مضبوط فارم میں ہیں اور ایک کامیاب تکنیک سے شاندار کارکردگی کا مظاہرہ کر رہے ہیں۔ حال ہی میں بگ بیش لیگ کے دوران انہوں نے جارحانہ انداز اپنایا اور دھواں دھار بیٹنگ کرتے ہوئے سنچری اور نصف سنچری اسکور کی۔
