راولپنڈی: پی ایس ایل 8 میں کراچی کنگز کے جارح مزاج بیٹر میتھیو ویڈ نے کنگز کے پلے آفس میں پہنچنے کا نسخہ بتادیا۔
کراچی کنگز کے جارح مزاج بیٹر میتھیو ویڈ نے میڈیا سے گفتگو کرتے ہوئے کہا کہ کراچی کنگز کا نیٹ رن ریٹ ٹورنامنٹ میں بہتر ہے اگر اگلے تین میچز جیت لیے تو پلے آفس کے لیے کوالیفائی کرسکتے ہیں۔
میتھیو ویڈ نے کہا کہ پشاور زلمی کے خلاف میچ میں ہمیں 11، 12 رنز فی اوورز درکار تھے جو آسان نہیں ہوتے، کل کا میچ ہارنے پر افسوس ہے۔
On-form and blazing on 🔥
Wade is 5⃣0⃣ up! #SabSitarayHumaray l #HBLPSL8 l #PZvKK pic.twitter.com/0CTeWvrR1K
— PakistanSuperLeague (@thePSLt20) March 1, 2023
آسٹریلوی بیٹر نے کہا کہ پشاور زلمی کے 7 رنز پر تین کھلاڑیوں کو پویلین بھیجنے کے بعد 197 رنز بن جانا اچھا نہیں رہا، رومن پاول نے شاندار بیٹنگ کی۔
میتھیو ویڈ نے کہا کہ محمد عامر نے عمدہ بولنگ کی لیکن ان سے ایک اوور مزید کروانے کا فیصلہ آسان نہیں تھا کیونکہ وہ ہمارے اہم بولر ہیں ان کے اوور کی اہمیت اننگز کے اختتام پر بھی ہوتی ہے۔
واضح رہے کہ زلمی کے خلاف میتھیو ویڈ نے 41 گیندوں پر 54 رنز کی اننگز کھیلی تھی اور وہ بارہویں اوور میں مجیب الرحمٰن کا نشانہ بنے تھے۔
4⃣4⃣4⃣
WOW, Wade! #SabSitarayHumaray l #HBLPSL8 l #PZvKK pic.twitter.com/SuWIykN0A3— PakistanSuperLeague (@thePSLt20) March 1, 2023
گزشتہ روز پشاور زلمی نے کراچی کنگز کو 24 رنز سے شکست دی تھی، رومن پاول کو 64 رنز کی شاندار اننگز کھیلنے پر میچ کا بہترین کھلاڑی قرار دیا گیا تھا۔
راولپنڈی میں کھیلے گئے میچ میں پشاور زلمی نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 197 رنز بنائے تھے ہدف کے تعاقب میں کراچی کنگز کی ٹیم 8 وکٹوں کے نقصان پر 173 رنز بناسکی تھی۔
And it's @PeshawarZalmi with the WIN. Despite the early breakthrough in the first innings, @KarachiKingsARY couldn't carry the momentum. We close the day with a light drizzle 🌧️ #SabSitarayHumaray l #HBLPSL8 l #PZvKK pic.twitter.com/aDju0kVvy5
— PakistanSuperLeague (@thePSLt20) March 1, 2023
