ماسکو : روس میں بس ٹرین کی زدمیں آگئی، جس کے نتیجے میں تین بچوں سمیت اکیس افراد ہلاک ہوگئے۔
خبر رساں ایجنسی کے مطابق قازقستان سے ماسکو جانے والی بس ولادی میرمیں ریلوے کراسنگ کے درمیان پھنس گئی اورٹرین کی زد میں آگئی۔ حادثے میں زخمی ہونے والوں میں متعدد افراد کی حالت تشویشناک ہے۔
حکام نے ہلاکتوں میں اضافے کا خدشہ ظاہرکیا ہے، جائے حادثہ پرامدادی کارروائیاں جاری ہیں۔
ہلاک مسافروں میں سےاکثریت کاتعلق ازبکستان سے تھا۔
حادثے کا شکار ہونے والی یہ ریل گاڑی سینٹ پیٹرز برگ سے نزہنی نووگورود جا رہی تھی۔
مقامی افسروں نے حادثے کے حوالے سے بتایا کہ اچانک بریک فیل ہونےسے بس بے قابو ہوگئی اور وہ ریلوے کراسنگ پر جا رکی اور پھنس گئی اور ٹرین رک نہ سکی تاہم تاحال حادثے کے محرکات کا علم نہیں ہو سکا ہے اور مقامی حکام نے تفتیشی عمل شروع کر دیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں