امریکا نے شام میں ممنوعہ بم گرائے: روس کا الزام: US: RUSSIA: SYRIA
The news is by your side.

Advertisement

امریکا نے شام پر ممنوعہ بم گرائے: روس کا الزام

ماسکو: روس کی جانب سے الزام عائد کیا گیا ہے کہ امریکا نے شام پر ممنوعہ فاسفورس بم گرائے ہیں، امریکی حکام نے الزام کی تردید کردی۔

تفصیلات کے مطابق روس نے امریکا پر الزام عائد کیا ہے کہ اس نے شامی شہر ادلب میں ممنوعہ فاسفورس بم گرائے ہیں، جبکہ امریکا نے مذکورہ الزام کی تردید کی ہے۔

غیر ملکی خبر رساں ادارے کے مطابق شام میں روس نے شدید فضائی بمباری کی، اور امریکا پر بھی الزام عائد کیا ہے کہ اس نے ممنوعہ فاسفورس بم استعمال کیا ہے۔

روس نے موقف اختیار کیا ہے کہ امریکا نے ادلب کے علاقے ہاجین میں فاسفورس بم برسائے ہیں، تاہم ان حملوں کے باعث کسی قسم ہلاکت یا زخمی ہونے کی اطلاعات سامنے نہیں آئی ہیں۔

اس سے قبل شام کے مسلح تنازعے ميں داعش کے خلاف امريکا کی قيادت ميں قائم عسکری اتحاد کی جانب سے فاسفورس بم استعمال کيے جاتے رہے ہيں۔

شامی صوبےادلب میں دہشت گردوں کےخلاف جنگ جاری رہے گی‘ روسی صدر

خیال رہے کہ رواں سال اپریل میں روس پر الزام عائد کیا گیا تھا کہ اس نے شام میں کیمیائی حملے کیے ہیں، جبکہ روسی حکام نے بھی ان الزامات کی تردید کی تھی۔

یاد ہے کہ گذشتہ دنوں شام کے معاملے پر روس، ترکی اور ایرانی سربراہان کے درمیان اہم ملاقات تہران میں ہوئی تھی جس میں فوجی کارروائیوں کے بجائے مذاکرات کے ذریعے شامی جنگی صورت حال کا حل نکالنے پر اتفاق کیا گیا تھا۔

اس موقع پر ترک صدر رجب طیب اردوگان نے کہا تھا کہ شام میں فوجی ایکشن کے بجائے سیاسی حل نکالا جائے۔

Comments

comments

یہ بھی پڑھیں