تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

کرونا کے خلاف روس کا بڑا اقدام، تیسری ویکسین کی منظوری

ماسکو: روس نے کرونا وبا سے لڑنے کے لئے ایک اور ویکسین کو رجسٹرڈ کرلیا ہے، روس کو کرونا کی پہلی ویکسین بنانے کا اعزاز بھی حاصل ہے۔

غیر ملکی خبر رساں ایجنسی کے مطابق روسی وزیر اعظم میخائل میشوتن نے کرونا ویکسین سے متعلق بلائے گئے اجلاس میں بتایا کہ روس نے عالمی وبا کرونا کے خلاف ایک اور ویکسین کو رجسٹرڈ کرلیا ہے، اس ویکسین کو فیڈرل سائنسی سینٹر برائے ریسرچ اینڈ ڈویلپمنٹ برائے امیون اینڈ بیولوجیکل پروڈکٹس نے تیار کیا ہے۔

روسی وزیراعظم نے بتایا کہ مقامی طور پر تیار کردہ تیسری ویکسین کو "کوویک” کے نام سے رجسٹرڈ کیا گیا ہے، ساتھ ہی انہوں نے اس امید کا اظہار کیا کہ تیسری کرونا ویکسین کی ایک لاکھ بارہ ہزار خوراکیں مارچ کے وسط تک شہریوں کے لئے دستیاب ہونگی۔

کرونا ویکسین سے متعلق بلائے گئے اجلاس میں روسی وزیراعظم کا کہنا تھا کہ روس اس وقت واحد ملک ہے جس کے پاس کرونا وبا کے لڑنے کے لئے تین ویکسین موجود ہیں۔

یہ بھی پڑھیں:  کرونا وائرس کی ویکسین، روسی صدر نے ایک اور بڑا دعویٰ کردیا

واضح رہے کہ روس کو یہ بھی اعزاز حاصل ہے کہ اس نے گذشتہ سال گیارہ اگست کو کرونا وبا سے نمٹنے کے لئے پہلی ویکسین تیار کی تھی، جس کا نام سپوتنک فائیو رکھا گیا تھا، جسے پاکستان میں ہنگامی استعمال کے طور پر بھی استعمال کیا جارہا ہے۔

بعد ازاں ماہ اکتوبر میں روس نے کرونا سے لڑنے کے لئے دوسری ویکسین تیار کرتے ہوئے دنیا کو ورطہ حیرت میں ڈالا تھا، اس ویکسین کو "ایپی ویک کرونا ” کا نام دیا گیا تھا۔

Comments

- Advertisement -