روس کی شام میں داعش کے 10 اہم ٹھکانوں پربمباری -
The news is by your side.

Advertisement

روس کی شام میں داعش کے 10 اہم ٹھکانوں پربمباری

ماسکو: روسی افواج نے گزشتہ 24 گھنٹوں میں داعش کے 10 اہم ٹھکانوں کو فضائی حملوں میں نشانہ بنانے کے دعویٰ کیا ہے۔

روسی وزیر دفاع کا کہنا ہے کہ حمیمم کے ہوائی اڈے سے داعش کے ٹھکانوں کو نشانہ بنانے کے لئے مسلسل پروازیں جاری ہیں۔

انہوں نے مزید کہا کہ گزشتہ 24 گھنٹوں میں ایس یو 34، ایس یو24 ایم اور ایس یو 25 جیٹ طیاروں نے کل 20 کاروائیاں کی ہیں جن میں دہشت گرد گروہ داعش کے 10 اہم ٹھکانوں کو نشانہ بنایا گیا ہے۔

منسٹری کا یہ بھی کہنا تھا کہ ایس یو 25 طیاروں نے عدلیب صوبے میں داعش کو ٹریننگ کیمپ اور اس سے ملحقہ بم ساز ورکشاپ کو بھی نشانہ بنایا جہاں خودکش جیکٹیں تیار کی جارہی تھیں۔

مذکورہ صوبے میں جسر الشغر نامی علاقے میں روسی طیاروں نے دہشت گردوں کے آٹھ دیگر اہم ٹھکانوں کو بھی نشانہ بنایا ہے۔

دوسری جانب رقاء نامی صوبے میں بھی دہشت گردوں کے ٹھکانوں کو بمباری کرکے تباہ کیا گیا ہے۔

روسی فضائی افواج کی جانب سے یہ تمام کاروائیاں حمیم نامی ایئر بیس سے کی جارہی ہیں جوکہ بحیرہ روم کے کنارے لاتکیا نامی صوبےمیں واقع ہے۔

Comments

comments

یہ بھی پڑھیں