ماسکو: روس کے دارالحکومت ماسکو کے کراکس سٹی ہال میں کنسرٹ پر حملہ کرنے والے 4 ملزمان کو عدالت میں پیش کردیا گیا، عدالت نے چاروں ملزمان پر عائد فرد جرم عائد کردی۔
بین الاقوامی خبر رساں ادارے کی رپورٹ کے مطابق قانونی نافذ کرنے والے اداروں کی جانب سے کراکس سٹی ہال کنسرٹ پر حملے میں ملوث 4 ملزمان کو گزشتہ روز عدالت میں پیش کیا گیا۔
ماسکو پولیس کے مطابق ملزمان نے بے گناہ شہریوں کو گولیاں مار کر موت کے گھاٹ اتارا، مرنے والوں میں خواتین اور بچے بھی شامل تھے۔
یاد رہے کہ سٹی ہال میں جاری کنسرٹ کے دوران دہشتگردی سے ہلاکتوں کی تعداد 143 تک پہنچ چکی ہے، جبکہ 140 سے زائد زخمی ہیں جن میں متعدد افراد کی حالت تشویشناک بتائی جارہی ہے۔
روسی میڈیا کا اس حوالے سے کہنا ہے کہ افسوسناک واقعے میں ملوث 4 مشتبہ حملہ آور اور ان کے 7 ساتھی گرفتار کر لیے، ایک ملزم فرید الدین ترکیہ سے ماسکو پہنچا تھا، ملزمان کا ہدف ہال میں موجود افراد کو ہلاک کرنا تھا۔
غزہ: اسرائیلی فوج کے بھیانک جرائم، اسپتالوں میں خواتین سے زیادتی
تاجک صدر امام علی رحمان نے کنسرٹ ہال حملے میں تاجکستان کے ملوث ہونے کی تردید کرتے ہوئے بیان میں کہا ہے کہ حملے میں 4 تاجک باشندوں کے ملوث ہونے کی خبروں میں کوئی صداقت نہیں۔
