کیف: روسی وزارت دفاع کا کہنا ہے کہ یوکرین کے شہر ماریو پول پر قبضہ کرلیا گیا ہے، بین الاقوامی میڈیا نے بھی روسی دعوے کی تصدیق کردی ہے۔
بین الاقوامی ویب سائٹ کے مطابق روسی وزارت دفاع نے کہا ہے کہ ماریو پول مکمل طور پر روس کے قبضے میں آچکا ہے، محض مضافات میں کچھ جھڑپیں ہو رہی ہے۔
روسی وزارت دفاع کا کہنا ہے کہ اسٹریٹجک بندر گاہی شہر ماریوپول کو مکمل طور پر کلیئر کر دیا گیا ہے اور مضافات میں ہولڈ آؤٹ جنگجوؤں کے ایک چھوٹے سے گروپ کو ہتھیار ڈالنے’ کو کہا گیا ہے۔
روس کے اس دعوے کی، کہ ماریوپول کو اپنے کنٹرول میں لے لیا ہے، بین الاقوامی میڈیا نے بھی تصدیق کردی ہے۔
اس جنگ کے دوران اس شہر میں شدید لڑائی دیکھنے میں آئی جس کے بعد یہ شہر بدترین انسانی تباہی کا منظر پیش کرنے لگا، یاد رہے کہ روسی فوجی آپریشن کے آغاز کے بعد روسی افواج کے قبضے میں آنے والا یہ ایک بڑا شہر ہے۔
روسی وزارت دفاع کے چیف ترجمان ایگور کوناشینکوف نے کہا کہ ماریو پول کے پورے شہری علاقے کو مکمل طور پر کلیئر کر دیا گیا ہے اور یوکرینی مسلح گروپ کے باقی بچنے والے فوجیوں کی اس وقت مکمل طور پر ناکہ بندی کر دی گئی ہے، ان کی جان بچانے کا واحد موقع رضا کارانہ طور پر ہتھیار ڈالنا ہے۔
