ماسکو : روسی صدر ولادی میر پوٹن نے کوئٹہ حملے کی شدید مذمت کرتے ہوئے دہشتگردی کے خلاف جنگ میں ہر طرح کی مدد فراہم کرنے کی پیشکش کردی ہے۔
روس کے صدر ولادیمیر پوٹن نے کوئٹہ پولیس ٹریننگ سینٹر پر حملہ کی شدید مذمت کی اور ساتھ ہی دہشت گردی سے نمٹنے کے لیے ہرقسم کا تعاون فراہم کرنے کی پیشکش بھی کردی۔
پوٹن کا کہنا ہے کہ دہشت گرد ہر معاشرے اور امن کے دشمن ہیں، انھوں نے امید ظاہر کی کہ حملے کے ذمے داروں اور ان کے سہولت کاروں کو جلد قانون کی گرفت میں لایا جائے گا۔
ان کا کہنا تھا کہ اس دہشتگرد حملے کے ماسٹر مائنڈ کو سزا ضرور ملنی چاہیئے۔
مزید پڑھیں : امریکا کی کوئٹہ حملے کی مذمت، مشکل وقت میں پاکستان کے ساتھ ہیں
یاد رہے امریکا نے بھی کوئٹہ حملے کی مذمت کرتے ہوئے کہا تھا کہ مشکل وقت میں پاکستان کے ساتھ ہیں اور دہشتگردی سے نمٹنے کے لئے پاکستان کے ساتھ مل کر کام کرتے رہیں گے۔
مزید پڑھیں : کوئٹہ پولیس ٹریننگ سینٹر پر حملہ، 61 اہلکار شہید، 118 زخمی
یاد رہے کہ کوئٹہ میں سریاب پولیس ٹریننگ سینٹر میں دہشتگردوں کے حملے میں ساٹھ سے زائد زیر تربیت اہلکار شہید اور ایک سو اٹھارہ اہلکار زخمی ہوئے۔فورسز نے بر وقت کارروائی کرتے ہوئے حملہ آوروں کو ٹھکانے لگایا۔
