The news is by your side.

Advertisement

روس نے کئی ممالک پر ویزا پابندیاں عائد کردیں

ماسکو: روسی صدر ولادی میر پیوٹن نے امریکا و برطانیہ سمیت متعدد ممالک پر ویزا پابندیاں عائد کردی۔

غیرملکی خبررساں ادارے کی رپورٹ کے مطابق روس نے امریکا و برطانیہ سمیت متعدد ممالک کو غیر دوست ممالک قرار دے کر ویزا پابندیاں عائد کردیں۔

روسی صدر پیوٹن نے ویزا پابندی کے حکم نامے پر دستخط کردیے۔

رپورٹ کے مطابق جن ممالک پر ویزا پابندیاں عائد کی گئی ہیں ان میں ناروے، سوئٹزرلینڈ، ڈنمارک ، آئس لینڈ، البانیہ، اندورا، آسٹریلیا، برطانیہ، جرسی، انگولیا، برٹش ورجن آئی لینڈز، جبرالٹر، کینیڈا، موناکو، نیوزی لینڈ، جنوبی کوریا، سان مارینو، شمالی مقدونیہ، سنگاپور، امریکا، تائیوان، یوکرین، مونٹی نیگرو سوئٹزرلینڈ اور جاپان شامل ہیں۔

دوسری جانب روسی وزیر خارجہ سرگئی لارووف کا کہنا ہے کہ امریکا اور اس کے اتحادیوں نے روس کیخلاف براہ راست مکمل ہائبرڈ وار مسلط کردی ہے۔

مزید پڑھیں: بھارت کا روس سے تیل کی خریداری جاری رکھنے کا اعلان

ان کا کہنا تھا کہ مغرب کی اس محاذ آرائی کی وجہ ڈھکی چھپی نہیں، وہ روسی معیشت، ملکی سیاسی استحکام کو نقصان پہنچا کر روس کو کمزور کرنا چاہتے ہیں۔

روسی وزیر خارجہ نے کہا کہ یوکرین حملے کے بعد روس پر پابندیاں لگانے والے ممالک کو ’غیردوست‘ ممالک کی فہرست میں ڈال دیا گیا ہے اور ان ممالک کے شہریوں کو روس میں داخلے کیلئے سخت شرائط سے گزرنا ہوگا۔

علاوہ ازیں روس 52 دوست ملکوں کے ساتھ پروازیں دوبارہ شروع کرے گا روس کا 9 اپریل کے بعد سے 52 ملکوں پرعائد پروازوں کی پابندی ختم کرنے کا ارادہ ہے روس نے کورونا پابندیوں کے باعث ان ملکوں سے پروازوں کی آمدورفت پر پابندی لگائی تھی۔

Comments

یہ بھی پڑھیں