بدھ, فروری 12, 2025
اشتہار

روسی فوج میں تمام بھارتیوں کو فارغ کرنے کا فیصلہ

اشتہار

حیرت انگیز

نئی دہلی: روسی فوج میں تمام بھارتیوں کو فارغ کرنے کا فیصلہ کیا گیا ہے، روس پر دھوکے سے لڑنے پر آمادہ کرنے کا الزام لگایا گیا تھا۔

بھارتی میڈیا کے مطابق روسی فوج میں معاون عملے کے طور پر کام کرنے والے تمام بھارتیوں کو فارغ کرنے کا فیصلہ کر لیا گیا ہے، وزارت خارجہ کا کہنا ہے کہ گزشتہ ماہ یوکرین اور روس کی جنگ کے دوران 2 بھارتیوں کے ہلاک ہونے کا واقعہ پیش آیا تھا، جس کے بعد ہلاک بھارتیوں کی تعداد 4 ہو گئی۔

رپورٹس کے مطابق درجنوں بھارتی شہری تاحال جنگی علاقے میں پھنسے ہوئے ہیں، جن کا دعویٰ ہے کہ انھیں دھوکا دہی کے ذریعے لڑنے کے لیے آمادہ کیا گیا تھا۔

ان دنوں بھارتی وزیر اعظم نریندر مودی دو روزہ دورے پر ماسکو میں ہیں، جہاں انھوں نے کل شام روسی صدر ولادیمیر پیوٹن کی طرف سے دیے گئے ایک عشائیے میں اس موضوع پر بات کی۔

بھارتی میڈیا کے مطابق روس نے فوج سے بھارتیوں کو فارغ کر کے ان کی ملک واپسی میں سہولت فراہم کرنے پر اتفاق کر لیا ہے، دوسری جانب یوکرین کے صدر زیلنسکی نے مودی کا دورہ روس مایوس کن قررا دیا، اور کہا کہ بھارتی وزیر اعظم کا دورہ امن کی کوشش کے لیے ایک دھچکا ہے۔

روسی صدر ولادیمیر پیوٹن نے ہندوستان کے وزیر اعظم مودی کا ماسکو میں خیر مقدم کرتے ہوئے انھیں اپنا ’’عزیز دوست‘‘ قرار دیا، یوکرین پر روسی حملے کے بعد وہ پہلے بھارتی رہنما ہیں جنھوں نے روس کا دورہ کیا ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں