تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیٹو اتحاد میں شامل ملک میں روس کی حمایت میں مظاہرہ

روم: اٹلی کی عوام مشرقی یورپ میں نیٹو کے توسیع پسندانہ اقدام کے خلاف اٹھ کھڑے ہوئے اور بڑا مطالبہ کردیا۔

غیر ملکی میڈیا رپورٹ کے مطابق اٹلی کے دارالحکومت روم میں نیٹو کے خلاف اور روس کی حمایت میں بڑا مظاہرہ ہوا جس میں سینکڑوں افراد نے شرکت کی۔

مظاہرین نے نیٹو کے اشتعال انگیز اقدامات کو یوکرین میں جنگ چھڑنے کی وجہ قرار دیا اور یوکرین میں فوری جنگ ختم کرنے کا مطالبہ کیا۔

مظاہرے میں شامل افراد کا کہنا تھا کہ امریکہ سمیت نیٹو کے رکن ممالک یوکرین کو اسلحے کی سپلائی کے ذریعے جنگ کے شعلوں کو مزید بھڑکا رہے ہیں۔

یہ بھی پڑھیں: روس یوکرین جنگ سے متعلق امریکا کی ایک اور پیش گوئی

مظاہرین نے امریکا کی پیروی میں یوکرین کو فوجی سازوسامان بھیجنے پر حکومتی اقدامات کی مذمت کی اور اس اقدام کو ملک کے آئین اور قومی مفاد کے خلاف قرار دیا، اس کے علاوہ ریلی میں شامل افراد نے اٹلی میں امریکا سمیت نیٹو کی فوجی چھاونیوں کو ختم کرنے کا مطالبہ کیا۔

ادھر امریکی جنرل مارک ملی کا کہنا ہے کہ یوکرین میں روسی جنگ برسوں تک جاری رہ سکتی ہے، ایسے میں یوکرین کی مدد کرنے والے امریکا اور دیگر ممالک بھی اس جنگ میں کچھ عرصے تک شامل رہیں گے۔

خیال رہے کہ روسی حملے سے بہت قبل امریکا بار بار کہہ رہا تھا کہ روسی افواج یوکرین پر بڑا حملہ کرنے والی ہیں۔

Comments

- Advertisement -