ماسکو: روس نے دعویٰ کیا ہے کہ چیپلن میں فوجی ٹرین کو نشانہ بنایا گیا، جس میں 200 یوکرینی فوجی ہلاک ہوئے۔
تفصیلات کے مطابق روسی فوج نے جمعرات کو دعویٰ کیا ہے کہ اس نے چیپلن میں ایک فوجی ٹرین کو نشانہ بنایا جس میں یوکرین کے فوجی اور فوجی ساز و سامان لے جایا جا رہا تھا۔
روس کی وزارت دفاع کا کہنا ہے کہ اس نے وسطی یوکرین میں ریلوے اسٹیشن پر حملے میں یوکرینی فوجیوں کو ہلاک کیا جس کے بارے میں کیف نے کہا تھا کہ اس میں بچوں سمیت 25 افراد ہلاک ہو گئے ہیں۔
روس نے یوکرینی ٹرین پر میزائل داغ دیا، 22 ہلاک
روسی وزارت نے بریفنگ میں بتایا کہ چیپلن ریلوے اسٹیشن پر ایک فوجی ٹرین پر اسکندر میزائل کے براہ راست حملے کے نتیجے میں یوکرین کی مسلح افواج کے ریزرو کے 200 سے زیادہ اہل کار اور ڈونباس میں جنگی زون کی طرف جانے والے فوجی ساز و سامان کے 10 یونٹ تباہ ہو گئے۔
⚡️Russia confirms Aug. 24 strike on train station.
Russia’s Defense Ministry claimed to have killed over 200 Ukrainian soldiers at the station in Chaplyne.
Kyiv said that Russia’s attacks on Chaplyne’s train station and residential areas killed 25 people, including 2 children.
— The Kyiv Independent (@KyivIndependent) August 25, 2022
ماسکو نے یہ بھی کہا کہ اس نے یوکرین کے پولٹاوا اور دنیپروپیٹروسک علاقوں میں فضائی اڈوں پر بمباری میں یوکرین کے 8 لڑاکا طیاروں کو تباہ کر دیا ہے۔
دعوے کے مطابق یہ حالیہ ہفتوں میں یوکرین کی فضائیہ کے لیے بڑے نقصانات میں سے ایک ہے۔