ماسکو: سائبیریا کے ایک علاقے میں ایک بڑے شاپنگ سینٹر میں خوف ناک آتش زدگی کے باعث پوری چھت ڈھ گئی۔
تفصیلات کے مطابق سائبیریا کے شہر ٹومسک میں لینٹا نامی شاپنگ سینٹر میں اچانک آگ بھڑک اٹھی، جو بہت تیزی سے پھیلتی ہوئی 5 ہزار اسکوائر میٹر پر محیط ہو گئی۔
سوشل میڈیا پر شاپنگ سینٹر میں لگی آگ کی ویڈیوز وائرل ہو گئی ہیں، جن میں خوف ناک آگ کو دیکھا جا سکتا ہے، اور عمارت سے گہرا دھواں اٹھ رہا ہے۔
The moment the roof #collapsed in the Lenta hypermarket (Tomsk – Russia) #fire #fires pic.twitter.com/EU0hiaCGJE
— Aleksander Onishchuk (@Brave_spirit81) December 21, 2021
غیر ملکی میڈیا رپورٹس کے مطابق بہت جلد پوری عمارت آگ کی لپیٹ میں آگئی، اور ساڑھے 3 ہزار مربع میٹر کے رقبے پر شاپنگ سینٹر کی چھت بھی اچانک گر گئی۔
ٹومسک ریجن کے محکمہ صحت کے مطابق اس حادثے کے نتیجے میں کوئی شخص زخمی نہیں ہوا ہے، کیوں کہ آگ لگنے کے بعد عملے اور خریداری کے لیے آنے والے شہریوں کو بہ حفاظت باہر نکال لیا گیا تھا۔
The area of the fire in Tomsk "Lenta" increased to 5 thousand squares, the roof collapsed on an area of 3.5 thousand squares. All visitors were successfully brought out. #fire #fires #Russia pic.twitter.com/NUy4wNUxGV
— Aleksander Onishchuk (@Brave_spirit81) December 21, 2021
فائر اینڈ ریسکیو سروس کو مقامی وقت کے مطابق 15:06 پر (ماسکو وقت کے مطابق 11:06) آگ لگنے کا پیغام موصول ہوا تھا، اہل کاروں نے شاپنگ سینٹر سے تقریباً 200 افراد کو نکالا۔
عینی شاہدین کا سوشل میڈیا پر کہنا تھا کہ شاپنگ سینٹر میں آگ لگنے کے بعد دھماکے بھی ہوئے، جس کے بارے میں کہا جا رہا ہے کہ یہ دھماکے پٹاخوں کے تھے۔
مقامی حکام نے آس پاس کے رہائشیوں کو اطمینان دلایا کہ انھیں آتش زدگی سے کوئی خطرہ نہیں ہے۔