The news is by your side.

Advertisement

روس ملائیشیا کو بھی کرونا ویکسین فراہم کرے گا

ماسکو: روس ملائیشیا کو بھی کرونا ویکسین فراہم کرے گا، دونوں ممالک کے درمیان معاہدہ طے پاگیا۔

تفصیلات کے مطابق کوالالمپور میں روسی سفارت خانے کا کہنا ہے کہ روسی براہ راست سرمایہ کاری فنڈ (آر ڈی آئی ایف) اور ملائشیا کی فارما سیوٹیکل کمپنی ڈوفارما سینڈیرین برہاد نے ایک معاہدے پر دستخط کیے ہیں۔

اس معاہدے کے تحت روس ملائیشیا کو کرونا وائرس کی ویکسین فراہم کرے گا، روسی سفیر نیل لیٹپوف نے اس پر تبصرہ کرتے ہوئے کہا ہے کہ یہ معاہدہ مکمل دو طرفہ تعاون کے قیام کا صرف پہلا قدم ہے۔

انھوں نے کہا معاہدے میں نہ صرف روسی ویکسین کی کھیپ شامل ہے، بلکہ ملائیشیا میں ویکسین کی تیاری کے لیے سائنسی اور تحقیقی مرکز بھی تشکیل دیا گیا ہے۔

یو اے ای کا روسی ویکسین سے متعلق بڑا فیصلہ

خیال رہے کہ دونوں ممالک کے درمیان دستخط کی تقریب ویڈیو لنک کے ذریعہ ملائیشیا کے وزیر صحت اڈھم بابا کی شراکت میں ہوئی۔

آر ڈی آئی ایف نے واضح کیا کہ فی الحال ملائیشیا کے لیے روسی ویکسین کی خوراکیں بھارت، چین اور جنوبی کوریا میں تیار کی جائیں گی۔

کرونا وائرس کے خلاف روسی ویکسین کتنے عرصے تک تحفظ دے سکتی ہے؟

ملائیشیا کی وزارت صحت کا بھی کہنا ہے کہ انھوں نے آج دو مقامی فارما کمپنیوں کے ساتھ معاہدہ کیا ہے، جو روس کے گمالیا انسٹی ٹیوٹ اور چین کی سائنو ویک کی تیار کردہ کرونا ویکسینز کی ایک کروڑ 84 لاکھ خوراکیں خریدیں گی۔

Comments

یہ بھی پڑھیں