امریکی سینیٹر لنڈسے گراہم نے اس خدشے کا اظہار کیا ہے کہ یوکرین کی امداد روکنا افغانستان سے انخلا کے فیصلے سے 10 گنا بڑی غلطی ہو گا۔
روس کے ساتھ جنگ میں یوکرین کو مغربی طاقتوں سمیت امریکا اور اس کے اتحادیوں کی جانب سے بھرپور مالی اور عسکری امداد فراہم کی جارہی ہے۔
بلومبرگ نیوز کی ایک رپورٹ کے مطابق امریکی فوج مبینہ طور پر صدر جو بائیڈن کی منظوری کے بعد یوکرین کو کلسٹر ہتھیاروں سے لیس ٹیکٹیکل بیلسٹک میزائل بھیجنے کے لیے تیار ہے۔
حال ہی میں یورپی ممالک سے یوکرین کو جنگی طیارے ملنے اور ایف 16 کے لیے پائلٹ کی ٹریننگ کا سلسلہ بھی شروع ہو چکاہے۔
روس یوکرین جنگ کو ڈیڑھ سال کا عرصہ ہوچکا ہے اور یہ جنگ طویل ہونے کا امکان ہے۔ ایسے میں امریکی سینیٹر کا کہنا ہے کہ یوکرین کی امداد روکنا افغانستان سے انخلا کے فیصلے سے 10 گنا بڑی غلطی ہو گا۔
سی بی ایس ٹی وی سے بات کرتے ہوئے ریپبلکن سینٹر نے کہا کہ اگریوین کی امداد بند کی گئی تو یہ تباہ کن خطا ہو گی۔ ان کا کہنا تھا کہ دہشتگردی کے خلاف جنگ میں سب سے بڑی غلطی افغانستان سے انخلا تھا اور یوکرین کے لیے امداد کو بند کرنا انخلا کے فیصلے سے 10 گنا بڑا خطرناک ہوگا۔
