The news is by your side.

Advertisement

روس یوکرین جنگ: چین نے امریکا کو آئینہ دکھا دیا

امریکا کی روس پر تنقید پر چین نے منہ توڑ جواب دیتے ہوئے کہا کہ جو امریکا نے کیوبا، پانامہ اور دیگر ممالک کیساتھ کیا وہ ڈرانے دھمکانے کی عام مثالیں تھیں۔

ان خیالات کا اظہار چینی وزارت خارجہ کے ترجمان ژاؤ لی جیان نے امریکی بیان پر تنقید کرتے ہوئے کیا، انہوں نے کہا کہ کیوبا، پانامہ، گرینیڈا، یوگوسلاویہ، افغانستان، عراق، شام اور لیبیا کے خلاف امریکی کارروائیاں، بڑی ممالک کی چھوٹے ممالک کو دھمکانے اور دھونس جمانے کی واضح مثالیں ہیں۔

چین نے یہ تنقید امریکی بیان کے ردعمل کی، جس میں امریکی محکمہ خارجہ کے ترجمان کا کہنا تھا کہ روس یوکرین پر حملہ کرکے چھوٹے ممالک پر رعب نہیں جما سکتا، یہ بنیادی اصول کی خلاف ورزی ہے۔

چینی حکام نے کہا کہ دنیا جنگ کے بجائے امن کی متلاشی ہے، یوکرین بحران حل کرنے کا بنیادی طریقہ جنگ بندی میں مضمر ہے۔

Comments

یہ بھی پڑھیں