یوکرین کے صدر ولادیمیر زیلنسکی اور ان کی اہلیہ اولینا زیلنسکا ان دنوں تنقید کی زد میں ہیں اس کی وجہ وہ انٹرویو ہے کہ جو دوران جنگ لیا گیا اور جس کیلئے انہوں نے خصوصی فوٹو شوٹ بھی کروایا۔
اس حقیقت سے انکار نہیں کیا جاسکتا کہ دنیا اتنی بے حس ہوچکی ہے کہ اس صدی کے بدترین انسانی بحرانوں کو بھی نظر انداز کیا جاچکا ہے ان بحرانوں میں یوکرین کا وہ بحران بھی شامل ہے جہاں اس کی عمارتوں اور قیمتی املاک کو روسی افواج کی بمباری سے تباہ برباد کردیا گیا۔
ابھی یوکرین کی جنگ پوری طرح ختم بھی نہیں ہوپائی کہ اس دوران معروف میگزین ووگ کے نمائندے نے یوکرین کے صدر ولادیمیر زیلنسکی اور ان کی اہلیہ اولینا زیلنسکا کا خصوصی انٹرویو کیا۔
دونوں شخصیات نے انٹرویو کیلئے خصوصی فوٹو شوٹ بھی کروایا جس کیلئے انہوں نے اپنے گھر کے علاوہ تباہ شدہ فوجی گاڑی کے قریب کھڑے ہوکر بھی تصاویر بنوائیں۔
اپریل 2022 میں ووگ میگزین نے اسی حوالے سے یوکرین کے صدر ولادیمیر اولیکسانڈرووچ زیلنسکی کی اہلیہ اولینا زیلنسکا کے ساتھ ایک خصوصی انٹرویو کیا تھا۔
View this post on Instagram
مذکورہ انٹرویو میں اولینا نے حملے کے پہلے دن پیش آنے والی صورتحال پر گفتگو کی اور بتایا کہ سب کچھ روزانہ کی طرح معمول کے مطابق چل رہا تھا، بچے اسکول سے واپس آرہے تھے اور معمول کے گھریلو کام بھی جاری تھے۔
When you elect an actor as your President, priorities set even in times of a war. Zelenskyy and his wife shoot for a feature in Vogue. pic.twitter.com/n7welD1fJU
— The Poll Lady (@ThePollLady) July 27, 2022
انہوں نے کہا کہ حملے کے بعد ہم شدید ذہنی اذیت میں مبتلا تھے، ان تباہ کاریوں کے بعد دنیا بھر میں بہت سی باتیں ہوئیں لیکن آخری لمحات تک یہ یقین کرنا ناممکن تھا کہ کیا اس جدید اور اکیسویں صدی میں ایسا بھی ہوسکتا ہے؟۔
میگزین کیلئے بنائی تصاویر میں ولادیمیر زیلنسکی اور ان کی اہلیہ کو گھر کے اندر ایک دوسرے کے قریب بیٹھے دکھایا گیا جبکہ دوسری تصویر میں انہوں نے ہاتھ پکڑے ہوئے پوز دیے۔
ایک اور تصویر میں اولینا کو ایک تباہ حال فوجی گاڑی کے ساتھ کھڑے ہوئے دکھایا گیا جبکہ چوتھی تصویر میں اولینا نے ایک عمارت کی سیڑھیوں پر بیٹھ کر تصویر بنوائی۔ اس تصویر کو ووگ میگزین نے یوکرین کی خاتون اول کی "بہادری کی تصویر” قرار دیا۔
View this post on Instagram
یاد رہے کہ یہ فوٹو شوٹ روس کے ساتھ جاری جنگ کے درمیان لیا گیا تھا، اس انٹرویو میں انہوں نے جنگ کے وقت کی زندگی، ان کی شادی اور یوکرین کے مستقبل کے خوابوں کے بارے میں کھل کر گفتگو کی۔
سوشل میڈیا پر تصاویر وائرل ہوئیں تو لوگوں نے اس وقت یوکرینی شہریوں کو درپیش مسئلے کی سنگینی پر سوال اٹھانے شروع کردئیے۔
کسی نے کہا کہ ملک میں جاری جنگ کے دوران ان تصاویر کو دیکھ کر لوگوں کو عجیب سا محسوس ہو رہا ہے جبکہ کچھ لوگوں کا خیال تھا کہ درحقیقت یہ تصاویر توجہ دلانے کی امید میں بنائی گئی تھیں۔
واضح رہے کہ روس نے 24 فروری کو یوکرین پر حملہ کیا۔ اس جنگ میں اب تک مجموعی طور پر12,227 ہلاکتیں ہوئی ہیں، تاہم صدر کے مطابق ہلاکتوں کی اصل تعداد 40,000 سے تجاوز کرگئی ہے اور زخمیوں کی تعداد بھی ہزاروں میں ہے۔
جنگ کی اس خوفناک صورتحال کے دوران یوکرینی صدر ولادیمیر زیلینسکی اور خاتون اول اولینا زیلنسکا ووگ میگزین کے ڈیجیٹل سرورق پر ایک ساتھ نظر آئے۔