The news is by your side.

Advertisement

دورہ روس: وزیراعظم عمران خان کی دوسری جنگ عظیم کے سپاہیوں کی یادگار پر حاضری

ماسکو : وزیراعظم عمران خان نے ماسکو میں دوسری جنگ عظیم کے سپاہیوں کی یادگار پر حاضری دی اور پھول رکھے۔

تفصیلات کے مطابق وزیراعظم عمران خان روس کے اہم اور تاریخی دورے پر ماسکو میں موجود ہیں، جہاں انھوں نے جنگ عظیم دوئم کے سپاہیوں کی یادگار پر حاضری دی اور یادگار پر پھول رکھے۔

اس موقع پر وفاقی وزرا اسدعمر، فواد چوہدری ، حماد اظہر،عبد الرزاق داؤد ، شہبازگل ،عامر کیانی بھی وزیراعظم کے ہمراہ موجود تھے۔

خیال رہے وزیراعظم عمران خان کی روسی صدر ولادی میر پیوٹن سے کچھ دیر بعد ون آن ون ملاقات ہوگی، جس میں عالمی فورمز پر ایک دوسرے کی حمایت کے لیے بات کی جائے گی۔

ملاقات میں افغان صورتحال اور نیوکلیئرسپلائرزگروپ میں پاکستان کی رکنیت، اقوام متحدہ سمیت فیٹف میں دو طرفہ تعاون پر گفتگو ہوگی اور خطےمیں امن کیلئے پاکستان کی دفاعی ضروریات پر بھی تبادلہ خیال کیا جائے گا۔

دونوں رہنماؤں کے درمیان دفاعی سازوسامان اوربھارت کودئیےگئےروسی میزائل ایس فور ہنڈریڈ پر بھی گفتگو کا امکان ہے۔

یادرہے گزشتہ روز وزیراعظم عمران خان کے ماسکو پہنچنے پر پرتپاک استقبال کیا گیا اور ہوائی اڈے پر گارڈ آف آنر پیش کیا، وزیر اعظم عمران خان کا روسی نائب وزیر خارجہ نےخوش آمدید کہا۔

وزیراعظم ریڈ کارپٹ پر چل کرآئے تو روسی فوجی دستے نے سلامی دی اور اس موقع پر پاکستان اور روس کےقومی ترانےکی دھنیں بجائی گئیں۔

Comments

یہ بھی پڑھیں