شام : داعش کے ٹھکانوں پر روسی بحریہ کی کارروائی میں چھ سو کے قریب جنگجو ہلاک ہوگئے، روسی وزیردفاع کا کہنا ہے کہ اٹھارہ کروز میزائل صوبے رقہ،ادلب اور حلب پر داغے گئے.
روسی وزیردفاع نے دعویٰ کیا ہے کہ روسی بحریہ کی جانب سے داغے جانے والے اٹھارہ کروز میزائل ہدف پر لگے، جس کے نتیجے میں چھ سو کے قریب جنگجو مارے گئے۔
روسی وزیردفاع کے مطابق بحیرہ کیسپین اور بحیرہ روم سے روس کے دس جنگی جہاز شام میں کارروائیاں کررہے ہیں، بحیرہ کیسپین سے اٹھارہ کروز میزائل صوبہ رقہ ،ادلب اور حلب پرداغے گئے۔
روسی وزیردفاع کے مطابق چار روز کے دوران روسی فضائیہ نے پانچ سو بائیس نشانے داغے، جن میں سو کروز میزائل اور ایک ہزار چار سو ٹن مختلف اقسام کے بم شام پر گرائے گئے، انکا مزید کہنا تھا کہ شام میں جنگی جہازوں کی تعداد دگنی کردی گئی ہے۔
Comments
- Advertisement -
