The news is by your side.

Advertisement

پاکستانی فٹبال خلاء میں پہنچ گئی

پاکستانی فٹبال دنیا بھر میں شہرت کمانے کے بعد خلا میں بھی پہنچ گئی، روسی خلابازوں نے بھی کھیلنے کے لئے پاکستانی فٹبال کو ہی پسند کیا۔

تفصیلات کے مطابق پاکستان کی اسپورٹس گڈز دنیا بھر میں مشہور ہے،  پاکستانی فٹ بالز ورلڈ کپ میں اپنا لوہا منوانے کے بعد اب خلاء میں جا پہنچی ، روسی خلا باز اپنے ساتھ پاکستانی فٹ بال بھی خلا میں لے گئے اور پھر خلا میں انوکھا فٹ بال میچ ہوا، زیرو گراویٹی میں کھیلا گیا میچ کافی الگ لگ رہا تھا۔

روسی اسٹیٹ اسپیس ایجنسی ‘روس کوسموس’ کی جانب سے میچ کی فوٹیج جاری کردی ہے، جس میں 2 روسی خلاباز اینٹون شکاپلیروو اور اولیگ آرٹیم ییو فٹبال کھیلتے ہوئے نظر آرہے ہیں، کھیل کے دوران خلابازوں کو گول روکتے اور کِک لگانے کی کوشش کرتے ہوئے دیکھا جاسکتا ہے۔

خیال رہے کہ فیفا ورلڈ کپ 2018 14 جون سے روس میں شروع ہو رہا ہے ، پاکستانی فٹ بال ‘ایڈیڈاس ٹیلی اسٹار 18 اس سال روس میں ہونے والے فٹ بال ورلڈ کپ میں بھی استعمال ہوگی۔

گزشتہ روز روس، امریکا اور جاپان سے تعلق رکھنے والے تین خلا باز زمین پر لوٹ آئے، انھوں نے ساڑھے 5 ماہ تک خلائی اسٹیشن میں قیام کیا، خلا بازوں کا کیپسول نے قازقستان میں لینڈ کیا تھا۔

واضح رہے کہ پاکستان کا شمار دنیا بھر میں فٹ بالز درآمد کرنے والے بڑے ممالک میں ہوتا ہے اور سالانہ چار کروڑ فٹ بالز درآمد کرتا ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Print Friendly, PDF & Email

Comments

comments

یہ بھی پڑھیں