The news is by your side.

Advertisement

والدین نیو ایئر پارٹی میں مصروف رہے، بچے کو کتوں نے لہولہان کردیا

روس میں ایک گھر میں ہونے والی نیو ایئر پارٹی کے دوران ایک بچے پر کتوں نے حملہ کر کے اسے موت کے گھاٹ اتار دیا، والدین گھر کے اندر پارٹی میں مصروف رہے۔

بین الاقوامی میڈیا کے مطابق روسی دارالحکومت ماسکو میں ایک گھر میں نئے سال کی پارٹی منعقد کی گئی جو کئی دنوں تک جاری رہی، مذکورہ گھر میں کتے بھی موجود تھے۔

پارٹی کے دوران ایک 11 سالہ بچہ نظر بچا کر گھر سے باہر چلا گیا، تمام مہمان کھانے پینے میں مصروف تھے لہٰذا کسی کی بچے پر نظر نہیں پڑی۔

گھر سے باہر کتوں نے اس پر حملہ کردیا اور وہ شدید زخمی ہو کر موت کے گھاٹ اتر گیا۔

پولیس کا کہنا ہے کہ تمام بڑے گھر کے اندر موجود تھے اور کسی کو بچے کی غیر موجودگی محسوس نہیں ہوئی، وہاں موجود دیگر بچے بھی اپنے والدین کی جانب سے نظر انداز ہوتے رہے۔

پولیس نے والدین پر غفلت کا مقدمہ درج کر کے تحقیقات کا آغاز کردیا ہے۔

Comments

یہ بھی پڑھیں