ہمیں ریسکیو کیا جانا پاک فوج کے بغیر ممکن نہ تھا، شکریہ پاک فوج، روسی کوہ پیما
The news is by your side.

Advertisement

ہمیں ریسکیو کیا جانا پاک فوج کے بغیر ممکن نہ تھا، شکریہ پاک فوج، روسی کوہ پیما

اسلام آباد : روسی کوہ پیما وکٹر نے کہا پاک فوج کے شکر گزار ہوں انھوں نے میری اور دوست کی جان بچائی، انہیں ریسکیو کیا جانا پاک فوج کے بغیر ممکن نہ تھا۔

تفصیلات کے مطابق شمالی علاقہ جات کی تئیس ہزار فٹ بلند چوٹی لاٹوک ون کو سر کرنے کیلئے آئے روسی کوہ پیما نے کہا کہ انہیں ریسکیو کیا جانا پاک فوج کے بغیر ممکن نہ تھا۔شکریہ پاک فوج، کیونکہ اُنھوں نے مجھے اور میرے دوست کو بچایا۔

وکٹر نے کہا کہ پاک فوج کے تجربے کار پائلٹس نے ہیلی کاپٹر کو انتہائی اونچائی پر جاکر ان کے دوست الیگزینڈر کی جان بچائی۔

گزشتہ ماہ روسی کوہ پیما الیگزینڈر پاکستان کے شمالی علاقہ جات میں لاٹوک ون کو سر کرتے ہوئے خراب موسم کے باعث پھنس گئے تھے، جنہیں پاک فوج نے ریسکیو کیا تھا۔

الیگزینڈرگوف 20 ہزار650 فٹ کی بلندی پر پچیس جولائی سے پھنسا ہوئے تھے۔


مزید پڑھیں : پاک فوج کے پائلٹس نے روسی کوہ پیما کو بچالیا،آئی ایس پی آر


روسی کوہ پیما کوچوٹی سے نکال کر سی ایم ایچ منتقل کردیا گیا، جہاں آرمی چیف جنرل قمر جاوید باجوہ نے روسی کوہ پیما کی عیادت کی تھی۔

روسی کوہ پیماالیگزینڈر نے اس موقع پر پاکستان آرمی کا شکریہ ادا کیا اور کہا کہ پاک آرمی دنیا کی بہترین فوج ہے، ہیلی کاپٹرکاپائلٹ بہترین تھا، پاکستانی عوام کےدوستانہ رویے سے بہت متاثر ہوا، پاکستان روس ہمیشہ زندہ باد رہے۔

خیال رہے پاک فوج کا بیاؤف گلئشیر کا ریسکیو آپریشن اتنی بلندی پر کیا گیا پہلا ریسکیو آپریشن ہے۔

Comments

comments

یہ بھی پڑھیں