تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

روس کی تیسری کرونا ویکسین سے متعلق اہم خبر

ماسکو: روس نے عالم گیر وبا سے لڑنے کے لیے تیسری کرونا ویکسین کی پیداوار بھی شروع کر دی ہے۔

تفصیلات کے مطابق کرونا وائرس وبا لڑنے کے لیے روس نے اپنی تیسری کرونا ویکسین کی تیاری کا آغاز کر دیا ہے۔

روسی وزارت سائنس و اعلیٰ تعلیم نے بتایا کہ چوماکوف ریسرچ سینٹر نے تیسری کرونا وائرس ویکسین CoviVac کی باضابطہ طور پر پیداوار شروع کر دی۔

روسی وزیر سائنس والیری فالکوف کا کہنا تھا کہ کووی ویک ویکسین کی پہلی کھیپ کی تیاری شروع ہو چکی ہے۔

روسی صدر نے کون سی کرونا ویکسین لگوائی؟

انھوں نے کہا نئی ویکسین کے علاوہ روس جون 2021 تک کرونا وائرس ویکسینز کی 88 ملین سے زائد خوراکیں تیار کرنے کا بھی منصوبہ رکھتا ہے۔

ان ویکسینز میں اسپوتنک V کی 83 ملین خوراکیں اور ایپی ویک کرونا ویکسین کی 5.4 ملین خوراکیں شامل ہوں گی۔

یاد رہے کہ کووی ویک رواں سال فروری میں، اسپوتنک V اور ایپی ویک کرونا ویکسین کے بعد رجسٹرڈ ہوئی تھی، اور یہ اب روس میں تیار کی جانے والی تیسری ویکسین ہے۔

سفارشات کے مطابق یہ ویکسین 18 سے 60 سال کی عمر کے لوگوں کو لگائی جائے گی۔

Comments

- Advertisement -