راولپنڈی: آرمی چیف جنرل قمر جاوید باجوہ سے روسی وزیر خارجہ سرگئی لاروف نے ملاقات کی جس میں اہم امور پر تبادلہ خیال کیا گیا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ اور روسی وزیر خارجہ کی ملاقات میں باہمی دلچسپی اور دفاعی و سیکیورٹی تعاون پر تبادلہ خیال کیا گیا۔
آئی ایس پی آر کے مطابق ملاقات میں علاقائی سیکیورٹی، افغان مفاہمتی عمل پر بھی تبادلہ خیال کیا گیا۔
آرمی چیف کا کہنا تھا کہ ہمارے کسی ملک کے خلاف جارحانہ عزائم نہیں ہیں، پاکستان علاقائی تعاون کے لیے کوشاں ہے۔
H.E Mr Sergey Lavrov, Foreign Minister of Russia called on General Qamar Javed Bajwa, COAS at GHQ, today. During the meeting, matters of mutual interest including enhanced defence & security cooperation, regional security, particularly Afghan Peace Process were discussed. (1/4) pic.twitter.com/uQeyFzAJz5
— DG ISPR (@OfficialDGISPR) April 7, 2021
پاک فوج کے سپہ سالار نے مزید کہا کہ پاکستان باہمی وقار اور مشترکہ ترقی کے فریم ورک کے لیے پرعزم ہے۔
مزید پڑھیں: وزیراعظم عمران خان کی روسی صدر پیوٹن کو دورۂ پاکستان کی دعوت
واضح رہے کہ اس سے قبل وزیراعظم عمران خان سے روسی وزیرخارجہ سرگئی لاروف کی ملاقات ہوئی تھی ، ملاقات میں دوطرفہ تعلقات، خطے اور بین الاقوامی امور پر تبادلہ خیال کیا گیا تھا۔
وزیراعظم عمران خان نے روسی صدر پیوٹن کو دورہ پاکستان کی دعوت دیتے دوطرفہ تعلقات میں مستحکم نمو پر اطمینان کا اظہار کیا تھا۔
وزیراعظم نے روسی وزیرخارجہ کو مقبوضہ کشمیر صورتحال کے تناظر میں پاکستانی مؤقف سے آگاہ کیا اور دونوں رہنماؤں نے کشمیر تنازع کے پرامن حل کی ضرورت پر زور دیا۔
