روس نے کہا ہے کہ ہتھیاروں کی فراہمی اور کیف سے بڑھتا فوجی تعاون نیٹو کو روس کے ساتھ براہ راست فوجی تصادم کے خطرناک حد تک قریب لے آیا ہے۔
غیر ملکی میڈیا کے مطابق روسی وزارت خارجہ کی ترجمان ماریا زاخارووا نے نیوز بریفنگ میں ایسا لگتا ہے کہ نیٹو ممالک کیف حکومت کو ہتھیاروں کی فراہمی، انٹیلی جنس فراہم کرنے، اہلکاروں کو تربیت دینے اور جنگی کارروائیوں کے طریقہ کار کے بارے میں ہدایات جاری کرنے میں ایک دوسرے پر سبقت لینے کی کوشش کر رہے ہیں، اس طرح کے عمل سے نیٹو ممالک روس کے ساتھ براہ راست مسلح تصادم کی خطرناک لائن کے قریب آ رہے ہیں۔
روسی وزارت خارجہ کی ترجمان مزید بتایا کہ تازہ ترین اعداد و شمار کے مطابق یوکرین کے لیے مغربی فوجی امداد پہلے ہی 42.3 بلین ڈالر تک پہنچ چکی ہے، جس میں سے 28.3 بلین ڈالر امریکا نے فراہم کیے ہیں۔
ماریا زاخارووا نے نیٹو ممالک کو مخاطب کرتے ہوئے کہا کہ آپ کیف حکومت کی طرف سے کیے جانے والے جرائم میں شامل ہیں، آپ دہشت گردانہ سرگرمیوں کے اسپانسر ہیں جو کیف حکومت کی سرپرستی میں اور نیٹو کی براہ راست شرکت کے ساتھ ہو رہی ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں