ماسکو: روسی فوجی بحری جہاز ڈنمارک کے ساحل پر ڈینش بحری جہاز سے ٹکرا گیا، حادثے میں کوئی شخص زخمی نہیں ہوا۔
بین الاقوامی میڈیا کے مطابق روس کے بالٹک بیڑے اور ڈینش مسلح افواج نے اطلاع دی ہے کہ ڈنمارک اور سویڈن کے درمیان آبنائے اوریسوڈ میں روسی فوجی بحری جہاز ایک ریفریجریٹر جہاز سے ٹکرا گیا۔
اطلاعات کے مطابق 23 ستمبر کو شدید دھند کی وجہ سے آبنائے بالٹک علاقے سے گزرتے ہوئے آئس روز ریفریجریٹر بحری جہاز روسی بالٹک فلیٹ کے کازانیٹس چھوٹے اینٹی سب میرین جہاز کے ساتھ ٹکرا گیا۔
حادثے میں کوئی روسی ملاح زخمی نہیں ہوا۔
بالٹک بیڑے نے اپنے بیان میں کہا کہ روسی بحری جہاز کی جانب سے آبی خطرے سے اوپر کی خلاف ورزی نہیں ہوئی۔ کازانیٹس اپنے اڈے پر واپس لوٹ گیا ہے۔
Comments
- Advertisement -
