The news is by your side.

Advertisement

روسی شہری اپنا غصہ ‘آئی فون’ پر کیوں اتار رہے ہیں؟ وجہ جانئے

ایپل نے روس کو آئی فون کی مصنوعات فروخت کرنے پر پابندی عائد کی تو روسی شہریوں نے جواباً ‘آئی پیڈ’ توڑنا شروع کردئیے۔

غیر ملکی میڈیا کے مطابق یوکرین پر روسی حملے کی مذمت کرتے ہوئے امریکی ٹیکنالوجی کمپنی ایپل نے روس اپنی مصنوعات روس کو فروخت کرنے پر پابندی عائد کردی ہے۔

امریکی ٹیکنالوجی کمپنی کی پابندی کے جواب میں روسی شہریوں نے اپیل کی مصنوعات توڑنا شروع کردیں۔

ٹوئٹر پر روسی شہری کی ویڈیو وائرل ہورہی ہے جس میں وہ آئی پیڈ کو ہتھوڑے کی مدد سے توڑتا ہوا نظر آرہا ہے۔

30 سیکنڈ کی ویڈیو میں روسی شہری نے کہا کہ اپیل کی پابندی پر روسی شہریوں کا جواب یہ ہے، ہمیں تمہاری مصنوعات کی ضرورت نہیں ہے، ہم ان ڈیوائسز کے بغیر بھی زندہ رہ سکتے ہیں’۔

ویڈیو میں روسی شہری کا کمسن بیٹا بھی نظر آرہا ہے جو اپنے والد کی طرح آئی پیڈ پر اپنا غصّہ نکالتا ہے۔

ویڈیو کو اب تک 17 لاکھ سے زائد صارفین دیکھ چکے ہیں جب کہ سیکڑوں صارفین ویڈیو پر دلچسپ تبصرے بھی کررہے ہیں۔

ایک صارف نے کہا کہ ‘کیا واقعی آئی پیڈ توڑنے سے اپیل پر کوئی فرق پڑے گا، اپیل کو پہلے ہی اس آئی پیڈ کی رقم وصول کرچکا ہے’۔

Comments

یہ بھی پڑھیں