The news is by your side.

Advertisement

روسی صدر کا سربیا پہنچنے پر پرتپاک استقبال، ہم منصب کا خوبصورت تحفہ

بلغراد: روسی صدر ولادی میرپیوٹن سرکاری دورے پر سربیا پہنچ گئے جہاں ان کا پرتپاک استقبال کیا گیا، ہم منصب الیکسینڈر ووک نے خوبصورت تحفہ پیش کیا۔

تفصیلات کے مطابق یورپی ملک سربیا میں روسی صدر ولادمیرپوٹن کا راک اسٹار کی طرح شاندار استقبال کیا گیا، صدرالیکسینڈر ووک نے اپنے روسی ہم منصب کو خوبصورت پپی تحفے کے طور پر پیش کیا۔

غیر ملکی خبر رساں ادارے کا کہنا ہے کہ دارلحکومت بلغراد میں ہزاروں افراد روسی صدر کا والہانہ استقبال کرنے کے لیے سڑکوں پر نکل آئے اور بنڈ باجے باجے بجا کر راک اسٹار کی طرح ان کا شاندار استقبال کیا۔

سربین عوام نے روسی صدر کے پورٹریٹ اور تصاویر اٹھا رکھی تھی اور ان کے حق میں نعرے لگا کر اپنی محبت کا اظہار کررہے تھے۔

بلغراد حکومت نے صدر پوٹن کے غیر معمولی حد تک پرتپاک استقبال کے لیے شہر بھر میں خصوصی انتظامات کیے، عوامی جذبہ بھی قابل دید تھا۔

پیوٹن نے اپنے ہم منصب سمیت دیگر اہم رہنماؤں سے ملاقاتیں کی اس موقع پر سربین صدر نے انہیں خوبصورت پپی تحفے کے طور پر پیش کیا۔

سربیا کے صدر الیکسینڈر ووک نے پوٹن کا استقبال کرتے ہوئے کہا کہ ان کا ملک روس کا قابل اعتماد ساتھی ہے، جبکہ جواب میں روسی صدر نے ان کی تعریف کو سراہا۔

علاوہ ازیں ولادی میر پیوٹن نے دونوں ممالک کے مابین برادرانہ تعلقات اور اس ضمن میں سربیا ہم منصب کے انفرادی کردار کی بھی تعریف کی۔

Comments

comments

یہ بھی پڑھیں