The news is by your side.

Advertisement

وزیراعظم کو روسی صدر کا فون، افغانستان کی صورتحال پر مشاورت

وزیراعظم عمران خان نے کہا ہے کہ عالمی برادری کوافغان عوام کیلئے مثبت کردار ادا کرنا ہوگا ‏عالمی برادری افغانستان میں معاشی استحکام کیلئےکردار ادا کرے۔

تفصیلات کے مطابق وزیراعظم عمران خان کو روسی صدر پیوٹن نے ٹیلی فون کیا جس میں دونوں ‏رہنماؤں کے درمیان افغانستان کی صورتحال پر مشاورت کی گئی، علاقے میں تیزی سےبدلتی ‏صورتحال اور دوطرفہ تعلقات پر بھی بات چیت ہوئی۔

دونوں رہنماؤں نے وفود کے تبادلوں اور مختلف شعبوں میں تعاون پر بات چیت کی ساتھ ہی دونوں ‏کاروباری تعلقات اور توانائی شعبےمیں تعاون بڑھانے پر اتفاق کیا گیا۔

وزیراعظم نے پاک روس گیس پائپ لائن منصوبےکی جلد تکمیل کی خواہش کااظہار کیا اور ‏افغانستان کی بدلتی صورتحال پر مربوط حکمت عملی اپنانے پر زور دیا۔ وزیراعظم نے پاکستان اور ‏روس کے تعلقات پر اطمینان کا اظہار کیا۔

روسی صدر سے گفتگو میں وزیراعظم نے کہا کہ مستحکم افغانستان پاکستان اورعلاقائی استحکام ‏کیلئےضروری ہے جامع سیاسی تصفیہ ہی افغانستان کے مستقبل کاضامن ہے افغان عوام کی ‏سیکیورٹی اور حقوق کا تحفظ یقینی ہونا چاہیئے۔

وزیراعظم نے کہا کہ عالمی برادری کوافغان عوام کیلئے مثبت کردار ادا کرنا ہوگا عالمی برادری ‏افغانستان میں معاشی استحکام کیلئےکردار ادا کرے افغانستان میں انسانی ضروریات پوری کرنے ‏کےاقدامات کرنا ہوں گے افغانستان کےمعاملےپرسہ فریقی طریقہ کار کو اہم سمجھتےہیں۔

Comments

یہ بھی پڑھیں