تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

امریکہ اوراس کےاتحادیوں کوشام پرحملے کے نتائج بھگتنا ہوں گے‘ روسی سفیر

واشنگٹن : امریکہ اور اس کے اتحادیوں کی جانب سے شام پرکیے گئے فضائی حملے پر روس نے سخت ردعمل دیتے ہوئے کہا کہ اس طرح کی کارروائی کا حساب دینا ہوگا۔

تفصیلات کے مطابق شام پرامریکہ، برطانیہ اور فرانس کی جانب سے کیے جانے والے فضائی حملے پرامریکہ میں روس کے سفیر اناتولے انتونو نے ردعمل دیتے ہوئے کہا کہ ایک بارپھر ہمیں دھمکی دی جارہی ہے اور پہلے سے تیار کردی منصوبے کو نافذ کیا جارہا ہے۔

روسی سفیر کا کہنا تھا کہ امریکہ اور اس کے اتحادیوں کی جانب سے اس طرح کی کارروائیاں بغیرکسی نتائج کے ختم نہیں ہوں گی۔

اناتولے انتونو نے شام پرکیے گئے حملوں کا ذمہ دار واشنگٹن، لندن اور پیرس کو ٹہراتے ہوئے کہا کہ روسی صدر ولادی میر پیوٹن کی بے عزتی ناقابل برداشت اور ناقابل قبول ہوگی۔

دوسری جانب روسی وزارت دفاع نے دعویٰ کیا ہے کہ امریکہ اور اس کے اتحادیوں کی جانب سے شام پرداغے گئے متعدد میزائلوں کو شامی حکومت کے ایئرڈیفنس سسٹم نے ناکارہ بنادیا۔

امریکہ اور اس کے اتحادیوں نے شام پرحملہ کردیا

خیال رہے کہ 13 اور 14 اپریل کی درمیانی شب امریکہ نے برطانیہ اور فرانس کے تعاون کے ساتھ شام میں کیمیائی تنصیبات پر میزائل حملے کیے تھے، جس کے نتیجے میں شامی دارالحکومت دمشق دھماکوں کی آوازوں سے گونج اٹھا تھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

- Advertisement -