اتوار, فروری 9, 2025
اشتہار

رویت ہلال کمیٹی کا ذی القعد کے چاند سے متعلق اعلان

اشتہار

حیرت انگیز

لاہور : مرکزی رویت ہلال کمیٹی کا ماہانہ اجلاس بضمن رویت ماہ ذی القعدہ 1444ھ آج شام منعقد ہوا۔ جس میں شہادتیں موصول نہ ہونے پر چاند نظر نہ آنے کا اعلان کیا گیا ہے۔

تفصیلات کے مطابق ماہ ذوالقعدہ 1444ھ کا چاند دیکھنے کیلئے چیئرمین مرکزی رویت ہلال کمیٹی پاکستان مولانا سید محمد عبد الخبیر آزاد کی زیرصدارت زونل رویت ہلال کمیٹی لاہور کا اجلاس بمقام ایوان اوقاف شاہ چراغ بلڈنگ نزد ہائی کورٹ لاہور میں منعقد ہوا۔

اجلاس میں رابطہ کے فرائض ڈی جی وزارت مذہبی امور سید مشاہد حسین خالد، فنی معاونت کیلئے وزارتِ سائنس اینڈ ٹیکنالوجی سے زین العابدین، محکمہ موسمیات سے چیف میٹ ڈاکٹر سردار سرفراز اور محکمہ سپارکو سے غلام مرتضیٰ ٹیلی فون پر رابطے میں تھے۔

May be an image of text

مولانا سید محمد عبد الخبیر آزاد چیئر مین مرکزی رؤیت ہلال کمیٹی پاکستان نے اعلان کرتے ہوئے کہا کہ آج پاکستان کے اکثرو بیشتر مقامات پرمطلع صاف رہا اورکچھ مقامات پر مطلع ابر آلود بھی رہا۔

پاکستان کے کسی بھی مقام سے ماہ ذوالقعدہ کا چاند نظر آنے کی کوئی شہادت موصول نہیں ہوئی اور عدم رویت رہی، لہذا اتفاق رائے سے فیصلہ کیا گیا کہ یکم ذوالقعدہ 1444ھ22 مئی2023ء بروزپیر کو ہوگی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں