زرداری کی وطن واپسی پر خوشی ہوئی، سعد رفیق ARYNews.tv
The news is by your side.

Advertisement

زرداری پی پی کے معاملات اپنے کنٹرول میں‌ رکھیں،سعد رفیق

لاہور: وفاقی وزیر ریلوے خواجہ سعد رفیق کا کہنا ہے کہ آصف علی زرداری کی وطن واپسی سے خوشی ہوئی، امید ہے وہ پیپلز پارٹی کے سیاسی معاملات اپنے کنٹرول میں رکھیں گے ۔

لاہور کے نو منتخب میئر اور ڈپٹی میئرز کے اعزاز میں تقریب سے خطاب کرتے ہوئے سعد رفیق نے کہا کہ نواز شریف صادق اور امین ہیں، عمران خان خود کو سیاست میں ضائع نہ کریں۔

تقریب میں شریک اسپیکر قومی اسمبلی سردار ایاز صادق نے کہا کہ نا اہل قرار دینے والے جج کو بھولا نہیں قیامت کے دن اس کا گریبان پکڑوں گا۔

تقریب سے نو منتخب لارڈ میئر لاہور کرنل (ر ) مبشر جاوید، صوبائی وزرا زعیم حسین قادری، خواجہ عمران نذیر اور دیگر نے بھی خطاب کیا۔

قبل ازیں وزیراعظم نواز شریف نے بھی سابق صدر آصف علی زرداری کی وطن واپسی کا خیر مقدم کیا اور امید ظاہر کی کہ وہ ان کی واپسی سے مثبت سیاست کو فروغ ملے گا۔

Comments

comments

یہ بھی پڑھیں