The news is by your side.

Advertisement

پاکستان میں صرف ووٹ کا فیصلہ چلے گا، بند کمروں کے فیصلے قبول نہیں، سعد رفیق

لاہور : وفاقی وزیر ریلوے خواجہ سعد رفیق نے کہا ہے کہ پاکستان میں جمہوریت ہی آگے بڑھے گی، بروقت انتخابات اور ووٹ کی طاقت اور تقدس کے ذریعے نیا پاکستان بنائیں گے

وہ لاہور میں ایک جلسہ عام سے خطاب کر رہے تھے، خواجہ سعد رفیق کا کارکنان کو طاہر القادری کے خلاف نعرے بازی سے منع کرتے ہوئے کہنا تھا کہ ماڈل ٹاؤن میں بہت غلط ہوا ہے جو نہیں ہونا چاہئے تھا البتہ عدالتی نظام پراعتماد کرتے ہوئے باقرنجفی رپورٹ کو عدالت لے کر جائیں

خواجہ سعد رفیق نے کہا کہ دھرنا دینا کوئی بہادری نہیں ہے اور پورا یقین ہے طاہر القادری ہماری بات پرغور کریں گے اور جمہوری نظام کو نئی آزمائش سے دو چارنہیں کریں گے بلکہ اپنے خدشات اور تحفظات کو لے کر عدلیہ جائیں گے

وفاقی وزیر نے کہا کہ ختم نبوت پرسیاست کرنا خطرناک عمل ہے جب کہ استعفیٰ دینے والے تمام افراد کا اس معاملے سے کوئی تعلق نہیں تھا چنانچہ ختم نبوت پر سیاست کرنے والے افراد عاشقان رسول کے درمیان تفریق سے گریز کریں

انہوں نے مزید کہا کہ اب ووٹ کا فیصلہ چلے گا بند کمرے کیے گئے فیصلے نہیں چلیں گے اور آئندہ الیکشن میں بھی مسلم لیگ (ن) نوازشریف کی قیادت میں انتخابی مہم چلائے گی

وفاقی وزیر خواجہ سعد نے کہا کہ ایم کیو ایم پاکستان کو دیوار سے لگانے کا عمل افسوسناک ہے، سیاسی جماعتوں کو طاقت کے ذریعے ختم کرنے کا عمل ختم ہونا چاہیے اور اپنے لیڈر اور سیاسی جماعت کا چناؤ عوام کو خود کرنے دیا جائے

Print Friendly, PDF & Email

Comments

comments

یہ بھی پڑھیں