site
stats
پاکستان

بتایا جائے ن لیگ نے کون سا وعدہ پورا نہیں‌ کیا؟ سعد رفیق

ہری پور: وزیر ریلوے سعد رفیق نے کہا ہے کہ کون س وعدہ ہے جو ن لیگ پورا نہیں کیا یا اس کے لیے دیانت دارانہ کوشش نہیں کی؟ اول روز سے ہماری راہ میں دھرنوں کے ذریعے رکاوٹیں کھڑی کی جارہی ہیں۔

ہر ی پور میں پارٹی کنونشن سے خطاب کرتے ہوئے خواجہ سعد رفیق کا کہنا تھا کہ ہونا یہ چاہیے تھا کہ ہم تعمیر و ترقی مکمل کرنے کے بعد عوامی رابطہ مہم شروع کرتے لیکن ہمیں اپنا مقدمہ وقت سے قبل عوام کے سامنے اور میڈیا کے ذریعے پوری قوم کے سامنے اس لیے لانا پڑا کہ ہم نے محسوس کیا ہے کہ صرف الزامات اور گالیاں، بہتان اور کردار کشی کب تک سنیں؟

انہوں نے کہاکہ بعض سیاست دانوں اور بعض سیاسی و غیر سیاسی اداکاروں نے اس ملک میں جھوٹ بولنے کا ٹھیکا لے رکھا ہے، کوئی دھندا نہیں کرتے بس سارا دن جھوٹ بول کر قوم کو گمراہ کرنے میں لگے ہیں۔

سعد رفیق کا کہنا تھا کہ سال 2013ء میں ن لیگ کو جب عوام کی خدمت کا موقع ملا تو ملک دہشت گردی کی لپیٹ میں تھا، خزانہ خالی تھا، ملک تاریکیوں میں ڈوبا ہوا تھا، لوڈ شیڈنگ تھی، کراچی میں سیکڑوں لوگ مارے گئے کوئی پرسان حال نہ تھا۔

ن لیگ رہنما نے کہا کہ ہماری حکومت سے قبل بلوچستان کے ناراض لوگ اسلحہ سمیت پہاڑوں پر چلے گئے تھے، کے پی کے میں دہشت گردوں کا راج تھا، دنیا میں کوئی بھی ملک پاکستان کا ساتھ دینے کے لیے تیار نہیں تھا، ریلوے سمیت قومی ادارے آخری سانس لے رہے تھے اس وقت ہم نے اعلان کیا کہ ووٹ کے ذریعے تبدیلی لانے پر یقین رکھتے ہیں۔

سعد رفیق کا کہنا تھا کہ میرے لیڈر نے کوئی دعوے نہیں کیے، ہم وہ وعدے نہیں کرتے جو پورا نہ کرسکیں، ہم نے کہا تھا کہ دہشت گردی ختم کریں گے، ملک کا پہیہ چلائیں گے، اداروں کو ان کے پیروں پر کھڑا کریں گے، لیڈر نے وعدہ کیا تھاکہ پاکستان کو ایشین ٹائیگر بنائیں گے، ہمیں بتائیں کہ ہم نے کون سا وعدہ پورا نہیں کیا یا اس کے لیے دیانت دارانہ کوشش نہیں کی۔

انہوں نے کہا کہ پہلے دن سے ہماری راہ میں رکاوٹیں کھڑی کی جارہی ہیں؟ کبھی دھرنا ہورہا ہے تو کبھی کفن پوش ڈنڈا بردار افراد شاہراہ دستور پر قبریں کھود رہے ہیں، کچھ سیاسی ورکر نے اسلام آباد کو چند ڈنڈوں سے بلاک کرنے کی کوشش کی جس سے دنیا کو منفی پیغام گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top