site
stats
پاکستان

نواز شریف کی نااہلی کا فیصلہ نظر ثانی کے لیے عدالت لے جائیں گے: سعد رفیق

Khawaja Saad Rafique

اسلام آباد: وفاقی وزیر خواجہ سعد رفیق نے سپریم کورٹ کے نواز شریف کی نااہلی کے فیصلے پر نظر ثانی کی کی درخواست دائر کرنے کا اعلان کیا ہے۔

تفصیلات کے مطابق وفاقی وزیر خواجہ سعد رفیق نے میڈیا سے گفتگو کرتے ہوئے کہا کہ مسلم لیگ ن پاناما کیس کے فیصلے اورنواز شریف کی نااہلی پر خاموش نہیں بیٹھےگی۔

انہوں نے کہا کہ ہم نے پاناما کیس کے فیصلے پر نظر ثانی کی درخواست دینے کا فیصلہ کیا ہے۔ معروف قانون دان بھی عدالتی فیصلے پر سوالات اٹھا رہے ہیں۔

گفتگو کے دوران سعد رفیق عدالت کو قانون سکھانے لگے۔ انہوں نے کہا کہ احتساب عدالت پر نگرانی نہ رکھیں، اس کی نظیر نہیں ہے، معاملات ایسے ہوں گے تو نظیریں بنیں گی اور صورتحال بگڑے گی۔

تحریک انصاف کے چیئرمین عمران خان پر عائشہ گلالئی کے الزامات سے متعلق سعد رفیق کا کہنا تھا کہ عمران خان کو مستعفی ہو کر اپنی بے گناہی ثابت کرنی چاہیئے۔

یاد رہے کہ آج نو منتخب وزیر اعظم شاہد خاقان عباسی کی 47 رکنی وفاقی کابینہ نے ایوان صدر میں اپنے عہدوں کا حلف اٹھا لیا۔ سعد رفیق کو ایک بار پھر ریلوے کی وزارت تفویض کی گئی ہے۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top