The news is by your side.

Advertisement

ٹرمپ کے بیانات کو غیر سنجیدہ نہیں لے سکتے، سعد رفیق

وفاقی وزیر ریلوے خواجہ سعد رفیق نے کہا ہے کہ نواز شریف کو بین الاقوامی امور میں وسیع تجربہ ہے، وزیر خارجہ خواجہ آصف ان سے ہدایات لینے آئے تھے، ڈونلڈ ٹرمپ مدہوش ہے مگر اُس کی بات کو غیر سنجیدہ نہیں لے سکتے، نواز شریف جلد بیرون ملک رواںہ ہوجائیں گے۔

جاتی عمرہ رائے ونڈ میں نواز شریف کی زیرصدارت مشاورتی اجلاس کے بعد میڈیا سے گفتگو کرتے ہوئے وزیر ریلوے خواجہ سعد رفیق کا کہنا تھا کہ نواز شریف بین الاقوامی امور میں وسیع تجربہ رکھتے ہیں۔

انہوں نے کہا کہ ٹرمپ کے دھمکی آمیز تقریر اور موجودہ صورتحال کے پیش نظر وزیر خارجہ خواجہ آصف نوازشریف سے ہدایات لینے آئے تھے کیونکہ نواز شریف کی عالمی معاملات پر گہری نظر ہوتی ہے۔

خواجہ سعد رفیق نے کہا کہ نواز شریف کو بیگم کلثوم نواز کی عیادت کے لئے جانا ہے تاہم ابھی روانگی کا وقت طے نہیں ہوا جبکہ وزیر خارجہ خواجہ آصف کی چین روانگی آج رات متوقع ہے۔

وزیرریلوے نے کہا کہ ٹرمپ مدہوش رہنے والا آدمی ہے چونکہ وہ امریکا کا صدر ہے اس لیے اُس کی بات کو غیر سنجیدہ نہیں لے سکتے، ملک پر سیاہ بادل منڈلا رہے ہیں، یہ وقت تمام جماعتوں اور قوم کے اتحاد کا ہے۔

خواجہ سعد رفیق نے کہا کہ مسلم لیگ ن نے عدالتوں کا احترام کیا اور آئندہ بھی کرتے رہیں گے، ماضی میں بھی عدالتی فیصلوں پر تنقید ہوتی رہی ہے، اگر  عدالتیں انصاف پر مبنی فیصلہ نہ کرپائیں تو  متاثرہ شخص کو آئین کے مطابق ریلیف بھی ملنا چاہیے۔

 انہوں نے مزید کہا کہ آصف زرداری تنقید جاری رکھیں اس سے ہمیں سیاسی فائدہ ہو گا۔ خواجہ سعد رفیق نے بتایا کہ اسپیکر قومی اسمبلی نے نواز شریف سے الگ ملاقات کی  اور  اجلاس میں قانونی معاملات پر بھی مشاورت ہوئی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں