site
stats
انٹرٹینمںٹ

صبا قمر کی پہلی بالی ووڈ فلم کا ٹریلر جاری

ممبئی: پاکستانی اداکار ہ صبا قمر کی پہلی بالی ووڈ فلم کا ٹریلر جاری کردیا گیا۔

تفصیلات کے مطابق پاکستانی اداکارہ بھارتی ادکار عرفان خان کے ساتھ اپنی پہلی بالی ووڈ فلم ’ہندی میڈیم‘ میں اُن کی بیوی کا کردار ادا کررہی ہیں۔

فلم چاندنی چوک میں رہائش پذیر ایک ایسے جوڑے کے بارے میں ہے، جو دہلی منتقل ہونا چاہتا ہے اور والدین غربت کے باوجود اپنی بیٹی کو اعلیٰ تعلیم دلوانے کے لیے جدوجہد میں لگے رہتے ہیں۔

ٹریلر میں دکھایا گیا ہے کہ عرفان خان اور صبا قمر اچھے اسکول میں داخلے کی غرض سے ایک بلڈنگ میں داخل ہوتے ہیں۔ اسکول کی عالی شان بلڈنگ کو دیکھ کر عرفان خان اُسے فائیو اسٹار ہوٹل قرار دیتے ہیں، اس فلم میں انگریزی اسکول کی مانگ اور زبان کو دی جانے والی ترجیح پر بھی بات کی گئی ہے۔

یاد رہے صبا قمر اس فلم سے اپنے بالی ووڈ کریئر کا آغاز کررہی ہے، ساکت چوہدری کی ہدایات پر بننے والی فلم ‘ہندی میڈیم’ رواں سال 12 مئی کو سینما گھروں میں نمائش کے لیے پیش کی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top