The news is by your side.

Advertisement

’بھارتی اداکارائیں بھی میری مداح ہیں‘

پاکستانی شوبز انڈسٹری کی معروف اداکارہ صبا قمر کا کہنا ہے کہ بھارتی اداکارائیں بھی میری اداکاری کی مداح ہیں۔

اداکارہ صبا قمر کا ویڈیو کلپ سوشل میڈیا پر وائرل ہورہا ہے جس میں ان کا کہنا تھا کہ بھارتی اداکارائیں نیتو سنگھ، ودیا بالن اور امریتا سنگھ بھی ان کی اداکاری کی مداح ہیں۔

اداکارہ نے بتایا کہ جب انہوں نے بھارتی فلم ’ہندی میڈیم‘ سائن کی تھی اس وقت ان کا ماننا تھا کہ یہ ان کے کیرئیر کا سب سے خراب پروجیکٹ ہونے والا ہے کیوں کہ ان کے مدِ مقابل معروف منجھے ہوئے اداکار عرفان خان تھے۔

انہوں نے کہا کہ ’ ہندی میڈیم‘ کی ریلیز کے بعد مجھے بہت پذیرائی ملی، اداکار رشی کپور اور نیتو سنگھ کی جانب سے بھی سراہا گیا تھا، نیتو سنگھ نے میرا ہر ڈرامہ دیکھ رکھا ہے۔

صبا قمر کا مزید کہنا تھا کہ اس کے علاوہ ان کے کام کی امریتا سنگھ اور ودیا بالن نے بھی بھرپور تعریف کی، ودیا بالن نے مجھے بھارت سے خصوصی طور پر کال کی تھی اور میرے کام کو سراہا تھا۔

واضح رہے کہ صبا قمر کا نیا ڈرامہ سیریل ’فراڈ‘ اے آر وائی ڈیجیٹل پر جلد نشر کیا جارہا ہے، ڈرامے میں ان کے ہمراہ احسن خان اور میکال ذوالفقار مرکزی کردار نبھائیں گے۔

Comments

یہ بھی پڑھیں