کراچی : محبت سندھ ریلی پرحملے اور سبین محمود قتل میں مفرور ملزمان کےوارنٹ گرفتاری جاری کردیئےگئے۔ محبت سندھ ریلی پرفائرنگ سے متعلق کیس کی سماعت کراچی کی انسداد دہشت گردی عدالت میں ہوئی۔
عدالت نے پانچ ملزمان عارف، عدنان، نعیم اخلاص، شہزاد اورحامدصدیقی کے نا قابل ضمانت وارنٹ گرفتار ی جاری کر دیئے۔
پانچوں ملزمان کا تعلق ا یم کیو ایم سےہے۔ واقعے میں ملوث اہم ملزم عامر سر پھٹا کو گرفتار کیا جاچکا ہے۔ انسداد دہشت گردی ہی کی عدالت نے رنچھوڑ لائن سے گرفتار ایم کیوایم کے سات ملزمان کونوے روز کیلئے رینجرز کی تحویل میں دےدیا ۔
دوسری جانب محکمہ داخلہ نے پی ٹی آئی رہنما زہرہ شاہد قتل کیس کی سماعت سینٹرل جیل منتقل کرنےکانوٹیفیکیشن جاری کردیا۔
کیس کی آئندہ سماعت انیس اگست کو ہوگی۔ ملزمان میں کلیم ، راشد عرف ٹیلراورزاہدعباس زیدی شامل ہیں۔ سبین محمودقتل کیس میں ملزم علی رحمان عرف ٹوٹاکے بھی ناقابل ضمانت وارنٹ جاری کردیئے گئے۔
اس مقدمے میں ملزم سعد عزیز پہلےہی گرفتارہے۔
