The news is by your side.

Advertisement

سبیکا شیخ کے تایا عبد الجلیل نے الیکشن لڑنے کا فیصلہ کرلیا

کراچی: امریکا میں فائرنگ سے جاں بحق طالبہ سبیکا شیخ کے تایا عبد الجلیل نے الیکشن لڑنے کا فیصلہ کرلیا، کاغذاتِ نامزدگی حاصل کرلیے۔

تفصیلات کے مطابق مرحوم طالبہ سبیکا شیخ کے تایا عبد الجلیل نے صوبائی اسمبلی کے حلقہ 92 کورنگی 1 سے انتخاب لڑنے کا فیصلہ کیا ہے۔

عبد الجلیل نے کاغذات نامزدگی حاصل کرنے کے بعد بات چیت کرتے ہوئے کہا کہ وہ پاکستان سرزمین پارٹی کے پرچم تلے انتخابات میں حصہ لے رہے ہیں۔

ان کا کہنا تھا کہ شاہ فیصل کالونی پینے کے صاف پانی سے محروم ہے، اگر وہ انتخاب جیت گئے تو اپنے حلقے کے دیرینہ مسائل پہلی فرصت میں حل کریں گے۔

یاد رہے کہ سبیکا شیخ اٹھارہ مئی کو ٹیکساس اسکول میں فائرنگ کے ایک واقعے میں دس دیگر طلبہ کے ساتھ جاں بحق ہوئی تھیں، سبیکا کا تعلق کراچی کے علاقے گلشن اقبال سے ہے۔

ڈاکٹرفاروق ستارکا پاکستانی طالبہ سبیکا شیخ کی موت پردکھ کا اظہار


پاکستانی طالبہ سبیکا شیخ سانتافے ٹیکساس میں ایکسچینج ایئر پروگرام کی طالبہ تھی، وہ 21 اگست 2017 کو یوتھ ایکسچیج اینڈ اسٹڈی پروگرام کے تحت تعلیم حاصل کرنے امریکا گئی تھیں۔

خیال رہے کہ ہونہار پاکستانی طالبہ کی افسوس ناک موت پر نہ صرف پاکستان بلکہ امریکی سیاست دانوں اور سفارت خانوں کی طرف سے بھی تعزیتی بیانات جاری کیے گئے تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں