پاکستانی ڈرامہ انڈسٹری کی معروف اداکارہ صبور علی منگیتر علی انصاری کے ہمراہ رقص کی ویڈیو کو بغیر اجازت عکس بند کرنے پر برہمی کا اظہار کیا۔
معروف اداکار علی انصاری کی بہن اداکارہ مریم انصاری کی شادی کی تقریبات گزشتہ دنوں منعقد ہوئیں جن کی ویڈیو اور تصاویر سوشل میڈیا پر وائرل ہوگئی تھیں۔
ان ہی ویڈیوز میں سے ایک ویڈیو صبور علی اور علی انصاری کے رقص کی سامنے آئی جس میں اداکارہ کو منگیتر علی انصاری کے ساتھ رقص کرتے دیکھا جاسکتا ہے۔
View this post on Instagram
سوشل میڈیا پر ویڈیو وائرل ہونے پر صارفین کی جانب سے طرح طرح کی قیاس آرائیاں کی جانے لگیں جس پر صبور علی نے برہمی کا اظہار کیا۔
اداکارہ نے انسٹاگرام اسٹوری پوسٹ کرتے ہوئے لکھا کہ یہاں ہماری سنجیدہ بات چیت اس موضوع پر ہورہی تھی کہ کس طرح بغیر اجازت لوگوں کی جانب سے ہماری ویڈیو شوٹ کرنے سے ہم پریشان ہوئے۔
صبور علی نے لکھا کہ پھر بھی ہم نے تقریب کو کافی انجوائے کیا، آپ سب کی فکرمندی اور محبت کا شکریہ۔
واضح رہے کہ چند ماہ قبل صبور علی کی اداکار علی انصاری کے ساتھ بات پکی ہوئی تھی۔
اداکارہ نے اپنی رسم کی تصاویر سوشل میڈیا پر شیئر کرتے ہوئے مداحوں کو اپنی زندگی کے نئے سفر کی خوشخبری سنائی تھی۔
