The news is by your side.

Advertisement

شہروز اور صدف کی شادی کی یادیں

کراچی: معروف ماڈل صدف کنول کا کہنا ہے کہ انہیں ہمیشہ سے خواہش تھی کہ ان کی شادی سرخ جوڑے میں نہایت سادگی سے ہو، اور ان کی یہ خواہش پوری ہوئی۔

تفصیلات کے مطابق معروف اداکاروں شہروز سبزواری اور صدف کنول نے اے آر وائی ڈیجیٹل کے مارننگ شو گڈ مارننگ پاکستان میں شرکت کی اور اپنی شادی کے بارے میں بتایا۔

شہروز نے کہا کہ اس وقت کرونا وائرس عروج پر چل رہا تھا اگر ہم دھوم دھام سے شادی کرتے تو لوگوں میں بہت غلط پیغام جاتا، اسی لیے ہم نے گھر میں ہی نہایت سادگی سے شادی کی جس پر ہمارے رشتے دار بہت ناراض بھی ہوئے۔

صدف کا کہنا تھا کہ انہیں ہمیشہ سے سادگی سے شادی کرنے کی خواہش تھی اور وہ چاہتی تھیں کہ ان کی شادی سرخ جوڑے میں گھر میں ہی ہو۔ اتفاق سے ان کی ساس نے انہیں اپنی شادی کا سرخ جوڑا دیا اور انہوں نے اسی کو اپنے نکاح میں زیب تن کیا۔

دونوں نے کہا کہ انہوں نے اپنی شادی کے لمحات کو محسوس کیا اور خوب لطف اندوز ہوئے، اگر وہ دھوم دھام سے شادی کرتے تو وہ ایک عوامی تقریب ہوتی جس میں وہ خود ہی لطف اندوز نہیں ہو پاتے۔

Comments

یہ بھی پڑھیں